ന്യൂഡൽഹി: ഇന്ത്യൻ കായികലോകത്തിന് നികത്താനാവാത്ത നഷ്ടമായി ഏഷ്യൻ ഗെയിംസ് സ്വർണ്ണ മെഡൽ ജേതാവും പ്രമുഖ ഷൂട്ടിംഗ് പരിശീലകനുമായ ജസ്പാൽ റാണ(49)യുടെ വിയോഗം. ഡൽഹിയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം.(Indian shooting legend Jaspal Rana passes away PM Modi offers condolences)
അദ്ദേഹത്തിന്റെ വിയോഗത്തിൽ പ്രധാനമന്ത്രി നരേന്ദ്ര മോദി അതീവ ദുഃഖം രേഖപ്പെടുത്തി. “ജസ്പാൽ റാണയുടെ വിയോഗം ഇന്ത്യൻ കായിക ലോകത്തിന് വലിയൊരു നഷ്ടമാണ്. അദ്ദേഹത്തിന്റെ കുടുംബാംഗങ്ങളുടെയും ആരാധകരുടെയും ദുഃഖത്തിൽ പങ്കുചേരുന്നു,” പ്രധാനമന്ത്രി സമൂഹമാധ്യമമായ ‘X’-ൽ കുറിച്ചു.
ഇന്ത്യയ്ക്കായി മികച്ച പ്രകടനം കാഴ്ചവെച്ച ജസ്പാൽ റാണ, പിൽക്കാലത്ത് ഷൂട്ടിംഗിൽ ഒട്ടനവധി യുവപ്രതിഭകളെ വളർത്തിയെടുക്കുന്നതിൽ നിർണ്ണായക പങ്കുവഹിച്ചു. ഒരു മികച്ച കായികതാരം എന്നതിലുപരി, ഇന്ത്യൻ ഷൂട്ടിംഗിന്റെ മുഖമായിരുന്ന റാണയുടെ വിയോഗം കായിക പ്രേമികൾക്കിടയിൽ വലിയ ഞെട്ടലാണ് ഉളവാക്കിയിരിക്കുന്നത്.
Story Summary
Renowned Indian shooter and Asian Games gold medallist Jaspal Rana has passed away at the age of 49. Prime Minister Narendra Modi expressed his profound grief, describing his death as a significant loss to the Indian sports community.
