ന്യൂഡൽഹി: ഇന്ത്യയിൽ തുടർച്ചയായ ഏറ്റവും ദൈർഘ്യമേറിയ കാലയളവിൽ പ്രധാനമന്ത്രി പദവി അലങ്കരിച്ച നരേന്ദ്ര മോദിയുടെ ചരിത്രനേട്ടത്തെ അഭിനന്ദിച്ച് ലോകനേതാക്കൾ. 4,399 ദിവസത്തെ ഭരണത്തിലൂടെ ജവഹർലാൽ നെഹ്റുവിന്റെ റെക്കോർഡ് മറികടന്ന മോദിയുടെ നേതൃപാടവത്തെയും പൊതുസേവനത്തോടുള്ള പ്രതിബദ്ധതയെയും നേതാക്കൾ പ്രശംസിച്ചു.(World Leaders Congratulate PM Modi On Record Breaking Consecutive Tenure)
സ്കോട്ട് മോറിസൺ മോദിയുടെ ഭരണനേട്ടങ്ങളെ പ്രത്യേകം എടുത്തുപറഞ്ഞു. ഇന്ത്യയുടെ സാമ്പത്തിക സ്ഥിതിയിൽ വിപ്ലവകരമായ മാറ്റങ്ങൾ കൊണ്ടുവരാനും ആഗോളതലത്തിൽ രാജ്യത്തിന്റെ സ്ഥാനം ഉയർത്താനും മോദിയുടെ നേതൃത്വത്തിന് സാധിച്ചുവെന്ന് അദ്ദേഹം അഭിപ്രായപ്പെട്ടു. ഏറ്റവും ദൈർഘ്യമേറിയ കാലയളവിൽ തെരഞ്ഞെടുക്കപ്പെട്ട ഇന്ത്യയുടെ പ്രധാനമന്ത്രിയായി മാറിയതിന് പ്രധാനമന്ത്രി നരേന്ദ്ര മോദിക്ക് ഊഷ്മളമായ അഭിനന്ദനങ്ങൾ. ഇന്ത്യയുടെ സമ്പദ്വ്യവസ്ഥയെ പരിവർത്തനം ചെയ്യുകയും ലോകവേദിയിൽ രാജ്യത്തിന്റെ അന്തസ്സ് ഉയർത്തുകയും ചെയ്ത യഥാർത്ഥ രാഷ്ട്രതന്ത്രജ്ഞനാണ് അദ്ദേഹം, സ്കോട്ട് മോറിസൺ സമൂഹമാധ്യമങ്ങളിൽ കുറിച്ചു.
മലേഷ്യ, നൈജീരിയ, മാലദ്വീപ്, കെനിയ തുടങ്ങിയ രാജ്യങ്ങളിലെ നേതാക്കളും മോദിയുടെ ഈ നേട്ടത്തെ അഭിനന്ദിച്ചു. ഇന്ത്യയുടെ വികസനത്തിലും സാമ്പത്തിക അഭിവൃദ്ധിയിലും മോദിയുടെ നേതൃത്വം വഹിച്ച പങ്ക് വളരെ വലുതാണെന്ന് മലേഷ്യൻ പ്രധാനമന്ത്രി അൻവർ ഇബ്രാഹിം പറഞ്ഞു. ജനാധിപത്യ രാജ്യങ്ങളിൽ ജനങ്ങൾ ഒരു നേതാവിൽ അർപ്പിക്കുന്ന വിശ്വാസത്തിന്റെ വലിയ തെളിവാണ് തുടർച്ചയായ മൂന്നാം തവണയും അദ്ദേഹത്തിന് ലഭിച്ച ഈ അംഗീകാരമെന്ന് കെനിയൻ പ്രസിഡന്റ് വില്യം റൂട്ടോയും വ്യക്തമാക്കി.
Story Summary
Global leaders have congratulated Prime Minister Narendra Modi on achieving the milestone of becoming India’s longest-serving elected Prime Minister in consecutive terms, with 4,399 days in office. Former Australian PM Scott Morrison and other world leaders praised his role in India’s economic transformation and his dedicated public service.
