ആലപ്പുഴ: കുട്ടനാട് എം.എൽ.എ റെജി ചെറിയാനും ആലപ്പുഴ ജില്ലാ പഞ്ചായത്ത് നേതൃത്വത്തിനുമെതിരെ കടുത്ത ഭാഷയിൽ രൂക്ഷവിമർശനവുമായി അമ്പലപ്പുഴ എം.എൽ.എ ജി. സുധാകരൻ (G Sudhakaran slams Reji Cheriyan). തന്റെ നിയോജക മണ്ഡലത്തിന്റെ പരിധിയിൽ വരുന്ന തോട്ടപ്പള്ളി പൊഴിയും സ്പിൽവേയും, തന്നെ മുൻകൂട്ടി അറിയിക്കുകയോ അനുവാദം ചോദിക്കുകയോ ചെയ്യാതെ റെജി ചെറിയാൻ സന്ദർശിച്ചതിനെതിരെയാണ് സുധാകരൻ പരസ്യമായി രംഗത്തെത്തിയത്. ആലപ്പുഴയിലെ രാഷ്ട്രീയ വൃത്തങ്ങളിൽ വൻ ചർച്ചയായിരിക്കുകയാണ് മുതിർന്ന നേതാവിന്റെ ഈ തുറന്നലടിക്കൽ.
തന്റെ മണ്ഡലത്തിൽ കയറി റെജി ചെറിയാൻ നടത്തുന്ന ഇടപെടലുകൾ സമ്പത്തിന്റെ അഹങ്കാരം കൊണ്ടാണെന്ന് ജി. സുധാകരൻ കുറ്റപ്പെടുത്തി. “റെജി ചെറിയാനെതിരെ ഞാൻ നിയമസഭാ പ്രിവിലേജ് കമ്മിറ്റിയിൽ (Privilege Committee) ഔദ്യോഗികമായി പരാതി നൽകിയാൽ അയാൾ കടുത്ത ശിക്ഷയ്ക്ക് വിധിക്കപ്പെടും. ഒരു എം.എൽ.എയുടെ മുകളിൽ വേറൊരു എം.എൽ.എ അനാവശ്യമായി അധികാരം സ്ഥാപിക്കാൻ ശ്രമിക്കുകയാണ്. അതും ഇതാദ്യമായി മാത്രം എം.എൽ.എ ആകാൻ കഴിഞ്ഞ ഒരാളാണ് ഇത് കാട്ടിക്കൂട്ടുന്നത്. വലിയൊരു ബിസിനസ് സ്ഥാപനത്തിന്റെ ഉടമയാണ് റെജി ചെറിയാൻ. ഞാൻ അവിടെ വെള്ളമടിക്കാൻ പോകാത്തതുകൊണ്ട് എന്നോട് അയാൾക്ക് സ്നേഹം കാണില്ല. അവിടെ സ്ഥിരമായി വെള്ളമടിക്കാൻ പോകുന്ന നേതാക്കന്മാർ ആരൊക്കെയാണെന്ന് എനിക്ക് കൃത്യമായി അറിയാം,” എന്നും ജി. സുധാകരൻ പരിഹാസത്തോടെ തുറന്നടിച്ചു. ഒരു ജനപ്രതിനിധി ഒരിക്കലും മറ്റൊരു ജനപ്രതിനിധിയെ കവച്ചുവെക്കാൻ നോക്കരുതെന്നും അദ്ദേഹം ഓർമ്മിപ്പിച്ചു.
റെജി ചെറിയാന് പുറമെ ആലപ്പുഴ ജില്ലാ പഞ്ചായത്തിനെതിരെയും കടുത്ത ഭാഷയിലാണ് സുധാകരൻ സംസാരിച്ചത്. ജൂൺ ഒന്നിന് നടക്കാനിരിക്കുന്ന സ്കൂൾ പ്രവേശനത്തോത്സവം അതത് ഡിവിഷനുകളിലെ ജില്ലാ പഞ്ചായത്തംഗങ്ങൾ മാത്രം ഉദ്ഘാടനം ചെയ്താൽ മതിയെന്ന ജില്ലാ പഞ്ചായത്തിന്റെ പുതിയ ഉത്തരവ് തികഞ്ഞ വിഡ്ഢിത്തമാണെന്ന് അദ്ദേഹം പറഞ്ഞു. തലയിൽ മണ്ണും ചെളിയുമുള്ളവർ മാത്രമാണ് ഇത്തരമൊരു ഉത്തരവ് ഇറക്കുക. ജില്ലാ പഞ്ചായത്ത് പ്രസിഡന്റ് മഹേന്ദ്രന്റെ ശുദ്ധ വിവരക്കേട് കൊണ്ടാണ് ഇങ്ങനെ സംഭവിച്ചതെന്നും, ജനാധിപത്യ വിരുദ്ധമായ ഈ ഉത്തരവിറക്കിയവർ പൊതുജനങ്ങളോടും മറ്റ് ജനപ്രതിനിധികളോടും പരസ്യമായി ക്ഷമ പറയണമെന്നും ജി. സുധാകരൻ ശക്തമായി ആവശ്യപ്പെട്ടു.
Story Summary: Ambalappuzha MLA G. Sudhakaran harshly criticized Kuttanad MLA Reji Cheriyan for visiting the Thottappally spillway without informing him, attributing it to the “arrogance of wealth.” Sudhakaran also slammed Alappuzha District Panchayat President Mahendran over a school school reopening event order.
