ഇടുക്കി: പെരിയാറ്റിൽ സഹോദരനോടൊപ്പം കുളിക്കാനിറങ്ങിയ പതിനേഴുകാരൻ മുങ്ങിമരിച്ചു. ഇടുക്കി കീരിത്തോട് സ്വദേശിയായ രതീഷ് ആണ് അപകടത്തിൽ മരണപ്പെട്ടത് (Idukki drowning accident). ഞായറാഴ്ചയോടെയായിരുന്നു നാടിനെ നടുക്കിയ ഈ ദാരുണ സംഭവം നടന്നത്. പെരിയാറിലെ ശക്തമായ കയത്തിൽ അകപ്പെട്ടുപോയ രതീഷിനെ, കൂടെയുണ്ടായിരുന്ന സഹോദരന്റെ നിലവിളി കേട്ടോടിയെത്തിയ നാട്ടുകാരാണ് ഏറെ പ്രയത്നപ്പെട്ട് പുറത്തെടുത്തത്.
ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും അപ്പോഴേക്കും ജീവൻ നഷ്ടപ്പെട്ടിരുന്നു. പ്ലസ് വൺ പരീക്ഷയിൽ മികച്ച വിജയം നേടി, തിങ്കളാഴ്ച പുതിയ അധ്യയനവർഷത്തിൽ സ്കൂൾ തുറക്കുമ്പോൾ പ്ലസ് ടു ക്ലാസിലേക്ക് പോകാനിരിക്കെയാണ് രതീഷിനെ തേടി ഈ ദാരുണമായ അപകടം എത്തിയത്.
രതീഷിന്റെ ആകസ്മിക വിയോഗത്തിന്റെ ഞെട്ടലിലാണ് കുടുംബവും സഹപാഠികളും. നിലവിൽ മൃതദേഹം ഇൻക്വസ്റ്റ് നടപടികൾക്കായി ഇടുക്കി മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.
Story Summary: A 17-year-old boy named Ratheesh from Keerithodu drowned in the Periyar river while bathing with his brother in Idukki. Despite locals rushing to rescue him upon hearing his brother’s cries, he could not be saved. Ratheesh, who performed well in his Plus One exams, was set to join Plus Two classes on Monday.
