ന്യൂഡൽഹി: കേന്ദ്ര സർക്കാർ ജീവനക്കാരുടെയും പെൻഷൻകാരുടെയും ദീർഘകാല ആവശ്യമായ എട്ടാം ശമ്പള കമ്മീഷൻ ചർച്ചകൾ രാജ്യവ്യാപകമായി സജീവമാകുന്നു. കേവലമൊരു ശമ്പള പരിഷ്കരണത്തിനപ്പുറം, ചില മുതിർന്ന ഉദ്യോഗസ്ഥർക്ക് 400 ശതമാനത്തിലധികം ശമ്പള വർദ്ധനവ് വരെ ഉറപ്പാക്കാവുന്ന തരത്തിലുള്ള നിർണ്ണായക നിർദ്ദേശങ്ങളാണ് ഇപ്പോൾ കമ്മീഷന് മുന്നിൽ എത്തിയിരിക്കുന്നത് (8th Pay Commission Salary Hike). ഇന്ത്യൻ റെയിൽവേ ടെക്നിക്കൽ സൂപ്പർവൈസേഴ്സ് അസോസിയേഷൻ ആണ് ഈ പുതിയ ഫോർമുല മുന്നോട്ട് വെച്ചിരിക്കുന്നത്. മുൻ ശമ്പള കമ്മീഷനുകളിൽ നിന്ന് വ്യത്യസ്തമായി, എല്ലാ ജീവനക്കാർക്കും ഒരേ ഫിറ്റ്മെന്റ് ഫാക്ടർ നൽകുന്നതിന് പകരം, വ്യത്യസ്ത പേ ലെവലുകൾക്കായി അഞ്ച് വ്യത്യസ്ത ഫിറ്റ്മെന്റ് ഫാക്ടറുകൾ ഉപയോഗിക്കണമെന്നാണ് സംഘടനയുടെ പ്രധാന ആവശ്യം.
ഈ നിർദ്ദേശം അംഗീകരിക്കപ്പെടുകയാണെങ്കിൽ ശമ്പള ഘടനയിൽ വൻ മാറ്റങ്ങളുണ്ടാകും. ഇതനുസരിച്ച് ലെവൽ 1 മുതൽ 5 വരെയുള്ള ജീവനക്കാർക്ക് 2.92 ഫിറ്റ്മെന്റ് ഫാക്ടറും, ലെവൽ 6 മുതൽ 8 വരെ ഉള്ളവർക്ക് 3.50-ഉം, ലെവൽ 9 മുതൽ 12 വരെയുള്ളവർക്ക് 3.80-ഉം ആണ് നിർദ്ദേശിച്ചിരിക്കുന്നത്. ഉയർന്ന തസ്തികകളായ ലെവൽ 13 മുതൽ 16 വരെ 4.09 ഫിറ്റ്മെന്റ് ഫാക്ടറും, ലെവൽ 17, 18 എന്നിവയ്ക്ക് 4.38 ഫിറ്റ്മെന്റ് ഫാക്ടറും നൽകണമെന്നും ആവശ്യപ്പെടുന്നു. ഇതനുസരിച്ച് ഉയർന്ന ലെവലിലുള്ള ഒരു ഉദ്യോഗസ്ഥന്റെ അടിസ്ഥാന ശമ്പളം 2.5 ലക്ഷത്തിൽ നിന്ന് 10.95 ലക്ഷം രൂപയായി ഉയർന്നേക്കാം. അടിസ്ഥാന ശമ്പളം കണക്കാക്കുന്നതിന് മുൻപ് നിലവിലെ 50 ശതമാനം ക്ഷാമബത്ത അടിസ്ഥാന ശമ്പളത്തിൽ ലയിപ്പിക്കണമെന്നും, വാർഷിക ശമ്പള വർദ്ധനവ് 5 ശതമാനമാക്കണമെന്നും സംഘടന ആവശ്യപ്പെടുന്നുണ്ട്. കമ്മീഷൻ നിർദ്ദേശങ്ങൾ നടപ്പിലാകുമ്പോൾ കേന്ദ്ര ജീവനക്കാരും പെൻഷൻകാരുമടങ്ങുന്ന 1.1 കോടിയിലധികം ഗുണഭോക്താക്കളെയാണ് ഇത് ബാധിക്കുക.
Summary: The Indian Railway Technical Supervisors’ Association has proposed a graded five-tier fitment factor formula to the 8th Pay Commission, which could boost salaries by over 400 percent for senior scales. The proposal suggests multipliers ranging from 2.92 for lower levels up to 4.38 for top-tier executives, aiming to bridge the shrinking salary gap between junior and senior technical staff. Alongside salary revisions, unions are aggressively pushing for a revised family unit formula and guaranteed minimum pension protections similar to the Old Pension Scheme.
