കൊച്ചി: മലയാള സിനിമയിലെ യുവതാരങ്ങളായ ബേസിൽ ജോസഫ്, ടൊവിനോ തോമസ്, വിനീത് ശ്രീനിവാസൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ അരുൺ അനിരുദ്ധൻ സംവിധാനം ചെയ്യുന്ന “അതിരടി” സെൻസറിംഗ് പൂർത്തിയാക്കി (Athiradi Movie News). സെൻസർ ബോർഡ് ചിത്രത്തിന് ‘U’ സർട്ടിഫിക്കറ്റാണ് നൽകിയിരിക്കുന്നത്. മെയ് 14-ന് ചിത്രം ആഗോളതലത്തിൽ തിയറ്ററുകളിലെത്തും. 2 മണിക്കൂർ 38 മിനിറ്റാണ് ചിത്രത്തിന്റെ ദൈർഘ്യം.
ക്യാമ്പസ് പശ്ചാത്തലത്തിലുള്ള ഒരു മാസ് കോമഡി ആക്ഷൻ എന്റർടൈനറാണ് അതിരടി. ‘സാംകുട്ടി’ എന്ന സ്റ്റൈലിഷ് വിദ്യാർത്ഥിയായി ബേസിലും, ‘ശ്രീക്കുട്ടൻ’ എന്ന ഗായകനായി ടൊവിനോയും എത്തുന്നു. വിനീത് ശ്രീനിവാസൻ സ്വന്തം പേരിൽ തന്നെയാണ് ചിത്രത്തിൽ അഭിനയിക്കുന്നത്.
ബേസിൽ ജോസഫ് എന്റർടൈൻമെന്റ്സും ഡോ. അനന്തു എന്റർടൈൻമെന്റ്സും ചേർന്നാണ് ചിത്രം നിർമ്മിക്കുന്നത്. ബേസിൽ ജോസഫിന്റെ ആദ്യ നിർമ്മാണ സംരംഭവുമാണിത്. സമീർ താഹിറും ടൊവിനോയും ചിത്രത്തിന്റെ കോ-പ്രൊഡ്യൂസർമാരാണ്.
‘മിന്നൽ മുരളി’യുടെ തിരക്കഥാകൃത്തായ അരുൺ അനിരുദ്ധൻ ആദ്യമായി സംവിധാനം ചെയ്യുന്ന ചിത്രമാണിത്. വിഷ്ണു വിജയ് ആണ് സംഗീതം. സാമുവൽ ഹെൻറി ഛായാഗ്രഹണവും ചമൻ ചാക്കോ എഡിറ്റിംഗും നിർവ്വഹിക്കുന്നു.
റിയ ഷിബു, സരിൻ ഷിഹാബ്, ഷാൻ റഹ്മാൻ എന്നിവരും പ്രധാന വേഷങ്ങളിലെത്തുന്നു. മലയാളത്തിന് പുറമെ തമിഴ്, തെലുങ്ക്, കന്നഡ ഭാഷകളിലും ചിത്രം റിലീസ് ചെയ്യും.
‘മിന്നൽ മുരളി’ക്ക് ശേഷം ബേസിലും ടൊവിനോയും വീണ്ടും ഒന്നിക്കുന്ന ചിത്രം എന്ന നിലയിൽ വലിയ പ്രതീക്ഷയിലാണ് പ്രേക്ഷകർ.
News Summary: The multi-starrer Malayalam film “Athiradi,” featuring Basil Joseph, Tovino Thomas, and Vineeth Sreenivasan, has received a clean ‘U’ certificate from the censor board. Directed by debutant Arun Anirudhan, the film is a mass comedy campus action entertainer with a runtime of 2 hours and 38 minutes. Produced by Basil Joseph and Dr. Ananthu S, the movie marks Basil’s first venture as a producer. “Athiradi” is set for a global release on May 14 in Malayalam, Tamil, Telugu, and Kannada. Vishnu Vijay handles the music, and Samuel Henry is the cinematographer.
