തന്റെ പ്രിയപ്പെട്ട കുഞ്ഞനുജത്തി ഷിമാന്റെ പതിമൂന്നാം ജന്മദിനത്തിൽ ആശംസകളുമായി എത്തിയിരിക്കുകയാണ് തെന്നിന്ത്യൻ താരം രശ്മിക മന്ദാന (Rashmika Mandanna Sister Shiman Birthday). പിറന്നാൾ ആഘോഷത്തിൽ നിന്നുള്ള മനോഹരമായ ചിത്രങ്ങൾക്കൊപ്പമാണ് താരം സോഷ്യൽ മീഡിയയിൽ കുറിപ്പ് പങ്കുവെച്ചത്.
“എന്റെ പ്രിയപ്പെട്ടവൾക്ക് 13-ാം ജന്മദിനാശംസകൾ. 13 വയസ്സ് എന്നത് വളരെ രസകരമായ പ്രായമാണ്, അതുകൊണ്ട് അത് പരമാവധി ആസ്വദിക്കൂ. നിന്നെ ഞാൻ ഒരുപാട് സ്നേഹിക്കുന്നു… നിനക്കായി ഇതാ വലിയാരു കെട്ടിപ്പിടുത്തം,” ചിത്രങ്ങൾക്കൊപ്പം രശ്മിക കുറിച്ചു. നിരവധി ആരാധകരാണ് പോസ്റ്റിന് താഴെ ഷിമാന് ആശംസകളുമായി എത്തുന്നത്.
കഴിഞ്ഞ ഫെബ്രുവരി 26-നായിരുന്നു ആരാധകർ കാത്തിരുന്ന രശ്മികയുടെയും നടൻ വിജയ് ദേവരകൊണ്ടയുടെയും വിവാഹം നടന്നത്. ഉദയ്പൂരിൽ വെച്ച് അടുത്ത സുഹൃത്തുക്കളുടെയും കുടുംബാംഗങ്ങളുടെയും സാന്നിധ്യത്തിലായിരുന്നു ലളിതമായ ചടങ്ങുകളോടെ വിവാഹം നടന്നത്.
രശ്മികയുടേതായി ഒടുവിൽ പുറത്തിറങ്ങിയ ചിത്രം ‘ദി ഗേൾഫ്രണ്ട്’ ആണ്. വിജയ് ദേവരകൊണ്ട അവസാനമായി അഭിനയിച്ചത് ‘കിംഗ്ഡം’ എന്ന ചിത്രത്തിലാണ്. ഷാഹിദ് കപൂറിനൊപ്പമുള്ള ‘കോക്ടെയിൽ 2’ ആണ് രശ്മികയുടേതായി വരാനിരിക്കുന്ന പ്രധാന ചിത്രം. 2026 ജൂൺ 19-ന് ചിത്രം തിയേറ്ററുകളിലെത്തും.
View this post on Instagram
Story Summary: Actress Rashmika Mandanna shared a heartwarming birthday note and pictures for her younger sister Shiman’s 13th birthday. In her post, Rashmika expressed her love and encouraged Shiman to enjoy this fun age. The actress, who recently married Vijay Deverakonda in Udaipur, is also gearing up for her next release, ‘Cocktail 2’, starring Shahid Kapoor, scheduled for June 2026.
