കൊച്ചി: ബ്രിട്ടീഷ് സിനിമാസിന്റെ ബാനറിൽ ഹാരിസ് മൊയ്തുട്ടി, ജിഷ്ണു ശങ്കർ, ശ്രീധർ ചെനി, ജോജി ജിതേന്ദ്രൻ എന്നിവർ ചേർന്ന് നിർമ്മിക്കുന്ന രണ്ടാമത്തെ ചിത്രം ‘ബൂം ബാങ്’ (Boom Bang) കൊച്ചിയിൽ ആരംഭിച്ചു (Boom Bang Movie). കൊച്ചി ചവറ കൾച്ചറൽ സെന്ററിൽ നടന്ന ലളിതമായ പൂജ ചടങ്ങുകളോടെയാണ് ചിത്രത്തിന്റെ തുടക്കം കുറിച്ചത്. ജുനൈദ് മുഹമ്മദാണ് ചിത്രം സംവിധാനം ചെയ്യുന്നത്.
യുവതാരങ്ങളായ സിജു വിൽസൺ, സിദ്ധാർത്ഥ് ഭരതൻ എന്നിവർക്കൊപ്പം നിഷാന്ത് സാഗർ, അരുൺ കുര്യൻ, സുബിൻ ടാർസൻ, സോഷ്യൽ മീഡിയ താരം നിഹാദ് തൊപ്പി, മിഥുട്ടി, ദേവിക സതീഷ്, ഷാരിക്ക് മുഹമ്മദ് എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. ജിൻഷാദ് ഗുരുവായൂർ കഥയും തിരക്കഥയും സംഭാഷണവും ഒരുക്കുന്നതിനൊപ്പം ചിത്രത്തിന്റെ ഛായാഗ്രഹണവും (DOP) നിർവ്വഹിക്കുന്നു. മറ്റ് അണിയറ പ്രവർത്തകർ ഇവരാണ്:
സംഗീതം: ജുബൈർ മുഹമ്മദ്
എഡിറ്റർ: നിർമൽ ആർ
മേക്കപ്പ്: റോണക്സ് സേവ്യർ
കോസ്റ്റ്യൂം: മെൽവി ജെ
ആക്ഷൻ കൊറിയോഗ്രാഫി: റോബിൻ ടോം
പ്രൊഡക്ഷൻ കൺട്രോളർ: പ്രസാദ് നമ്പ്യൻകാവ്
ഗിരീഷ് കൊടുങ്ങല്ലൂർ ലൈൻ പ്രൊഡ്യൂസറായും അനൂപ് വിജയകുമാർ ആർട്ട് ഡയറക്ടറായും പ്രവർത്തിക്കുന്നു. വൈശാഖ് സി വടക്കെവീട്, ജിനു അനിൽകുമാർ, എ.എസ്. ദിനേശ് എന്നിവരാണ് പിആർഒമാർ. യെല്ലോ ടൂത്ത്സ് ആണ് ചിത്രത്തിന്റെ പബ്ലിസിറ്റി ഡിസൈൻ നിർവ്വഹിച്ചിരിക്കുന്നത്. ചിത്രത്തിന്റെ ചിത്രീകരണം കൊച്ചിയിലും പരിസര പ്രദേശങ്ങളിലുമായി പുരോഗമിക്കും.
Story Summary: The movie ‘Boom Bang’, directed by Junaid Mohammed and produced by British Cinemas, has officially commenced with a pooja ceremony in Kochi. Starring Siju Wilson, Siddharth Bharathan, and Nishanth Sagar, the film features a screenplay and cinematography by Jinshad Guruvayoor.
