ഹൈദരാബാദ്: സംവിധായകൻ, തിരക്കഥാകൃത്ത്, നിർമ്മാതാവ് എന്നീ നിലകളിൽ തെലുങ്ക് സിനിമയിൽ തന്റേതായ മുദ്ര പതിപ്പിച്ച പുരി ജഗന്നാഥിന്റെ സിനിമയിലേക്കുള്ള കടന്നുവരവിന് 26 വർഷം തികയുന്നു (Puri Jagannadh 26 Years). 2000 ഏപ്രിൽ 20-ന് പുറത്തിറങ്ങിയ മഹേഷ് ബാബു ചിത്രം ‘ബദ്രി’യിലൂടെയായിരുന്നു അദ്ദേഹത്തിന്റെ അരങ്ങേറ്റം.
പുരി ജഗന്നാഥിന്റെ സിനിമയാത്രയെ ‘അതിശയിപ്പിക്കുന്നത്’ എന്നാണ് വിജയ് സേതുപതി വിശേഷിപ്പിച്ചത്. “സിനിമയിലെ 26 വർഷങ്ങൾ എന്നത് വെറുമൊരു നാഴികക്കല്ലല്ല, മറിച്ച് ധൈര്യവും ആത്മവിശ്വാസവും നിർഭയമായ ശബ്ദവും കൊണ്ട് കെട്ടിപ്പടുത്ത ഒരു പാരമ്പര്യമാണ്.”
“നമുക്ക് നമ്മളിൽ തന്നെ വിശ്വാസമില്ലാത്തപ്പോൾ പോലും നമ്മളെ വിശ്വസിക്കുന്ന സംവിധായകർക്കായി അഭിനേതാക്കൾ എപ്പോഴും തിരയാറുണ്ട്. പുരി സാർ കൃത്യമായി അങ്ങനെയുള്ള ഒരാളാണ്.” ‘സ്ലംഡോഗ് 33 ടെമ്പിൾ റോഡ്’ എന്ന സിനിമയിൽ അദ്ദേഹത്തോടൊപ്പം പ്രവർത്തിക്കാൻ കഴിഞ്ഞത് വലിയ സന്തോഷമാണെന്നും ഈ ചിത്രം എല്ലാവർക്കും വളരെ സവിശേഷമായിരിക്കുമെന്നും വിജയ് സേതുപതി കൂട്ടിചേർത്തു.
വിജയ് സേതുപതി നായകനാകുന്ന ഈ ചിത്രം പുരി ജഗന്നാഥിന്റെ തന്നെ നിർമ്മാണ കമ്പനിയായ ‘പുരി കണക്ട്സ്’ ആണ് നിർമ്മിക്കുന്നത്.
മലയാള താരം സംയുക്ത നായികയായെത്തുന്ന ചിത്രത്തിൽ പ്രശസ്ത നടി തബു, വിജയ് കുമാർ എന്നിവരും പ്രധാന വേഷങ്ങളിലെത്തുന്നു.
നടി ചാർമി കൗറാണ് ചിത്രം അവതരിപ്പിക്കുന്നത്.പുരി ജഗന്നാഥിന്റെ സ്ഥിരം മാസ് ശൈലിയിൽ നിന്ന് വ്യത്യസ്തമായ ഒരു കഥാപരിസരമായിരിക്കും ഈ ചിത്രമെന്നാണ് പുറത്തുവരുന്ന സൂചനകൾ.
Story Summary: Director Puri Jagannadh celebrates 26 years in the film industry, marking his debut with the movie ‘Badri’ on April 20, 2000. Actor Vijay Sethupathi congratulated the director, sharing a heartfelt note and a photo from the sets of their upcoming film, ‘Slumdog 33 Temple Road’. The movie stars Samyuktha, Tabu, and Vijay Kumar in key roles.
