മുംബൈ: ബാന്ദ്ര കുടുംബ കോടതിയിൽ വെച്ച് പരസ്പര സമ്മതപ്രകാരമാണ് ഹൻസികയും സൊഹേലും വിവാഹമോചനം നേടിയത് (Hansika Motwani Divorce Reason). വിവാഹമോചനത്തിന് ശേഷം ഇതാദ്യമായാണ് താരം ഒരു അഭിമുഖത്തിൽ (ഹൗട്ടർഫ്ളൈ) തന്റെ നിലപാട് വ്യക്തമാക്കുന്നത്.
എടുത്ത തീരുമാനത്തിൽ തനിക്ക് യാതൊരു പശ്ചാത്താപവുമില്ലെന്ന് ഹൻസിക പറഞ്ഞു. “തെറ്റായ ട്രെയിനിലാണ് കയറുന്നതെങ്കിൽ കഷ്ടപ്പെട്ട് യാത്ര ചെയ്യുന്നതിനെക്കാൾ നല്ലത് അതിൽ നിന്ന് ഇറങ്ങിപ്പോകുന്നതാണ്” എന്നായിരുന്നു താരത്തിന്റെ പ്രതികരണം.
വിവാഹമോചനത്തിന്റെ കൃത്യമായ കാരണങ്ങൾ വെളിപ്പെടുത്താൻ താരം തയ്യാറായില്ല. എന്താണ് സംഭവിച്ചതെന്ന് തങ്ങൾ രണ്ടുപേർക്കും മാത്രമേ അറിയാവൂ എന്നും ഇത്തരം കാര്യങ്ങൾ സ്വകാര്യമായി സൂക്ഷിക്കാനാണ് ആഗ്രഹിക്കുന്നതെന്നും ഹൻസിക വ്യക്തമാക്കി.
പ്രയാസമേറിയ ഘട്ടത്തിൽ അമ്മയും സഹോദരനും തനിക്കൊപ്പം അടിയുറച്ചുനിന്നു. തന്റെ സുഖത്തിനും ക്ഷേമത്തിനുമാണ് അവർ മുൻഗണന നൽകിയതെന്നും താരം കൂട്ടിച്ചേർത്തു.അതിശയോക്തി നിറഞ്ഞ വാർത്തകളാണ് ആളുകൾക്ക് വേണ്ടതെന്നും അത് അവർക്ക് ലഭിച്ചു കഴിഞ്ഞു എന്നും പറഞ്ഞ താരം, ഇത്തരം വാർത്തകളിൽ വ്യക്തത വരുത്താൻ താൻ ഉദ്ദേശിക്കുന്നില്ലെന്നും പറഞ്ഞു.
2022 ഡിസംബർ 4-ന് രാജസ്ഥാനിലെ ജയ്പൂരിൽ വെച്ച് അതീവ ആഡംബരമായാണ് ഹൻസികയുടെയും സൊഹേലിന്റെയും വിവാഹം നടന്നത്. മുണ്ടോട്ട കോട്ടയിൽ വെച്ച് നടന്ന വിവാഹത്തിന്റെ ദൃശ്യങ്ങൾ ‘ഹൻസികാസ് ലവ് ശാദി ഡ്രാമ’ എന്ന പേരിൽ ഡിസ്നി പ്ലസ് ഹോട്ട്സ്റ്റാറിൽ സ്ട്രീം ചെയ്തിരുന്നു.
വിവാഹമോചനത്തിന് ശേഷം താൻ ഇപ്പോൾ വൈകാരികമായി മികച്ച നിലയിലാണെന്നും ജോലിയിൽ ശ്രദ്ധ കേന്ദ്രീകരിക്കാനാണ് താൻ ആഗ്രഹിക്കുന്നതെന്നും ഹൻസിക വ്യക്തമാക്കി.
Story Summary: Actress Hansika Motwani broke her silence a month after her divorce from Sohail Kathuria. She stated that it’s better to get off the wrong train than to suffer, emphasizing that she has no regrets and is focusing on her mental well-being.
