ചെന്നൈ: താൻ അഭിനയം നിർത്തുകയാണെന്നും ഒരു ബിസിനസുകാരനെ രഹസ്യമായി വിവാഹം കഴിച്ചുവെന്നുമുള്ള വാർത്തകൾക്കെതിരെ രസകരമായ പ്രതികരണവുമായി നടി തൃഷ (Trisha Marriage Rumors 2026). തന്നെക്കുറിച്ച് പ്രചരിക്കുന്ന കെട്ടുകഥകൾക്ക് താരം നൽകിയ മറുപടി ഇപ്പോൾ സോഷ്യൽ മീഡിയയിൽ വൈറലാവുകയാണ്.
തൃഷയുടെ വാക്കുകൾ:
“ഞാൻ സിനിമ വിട്ടെന്നും വലിയ ധനികനായ ഒരു ബിസിനസ്സുകാരനെ വിവാഹം കഴിച്ചെന്നും, ഇന്നലെ രണ്ട് വയസ്സ് തികഞ്ഞ നാല് ഇരട്ടക്കുട്ടികളെ വളർത്തുകയാണെന്നും കേൾക്കുന്നു. ഇനി ഞാൻ ഇതിലേക്ക് എന്തെങ്കിലും കൂട്ടിച്ചേർക്കാനുണ്ടോ? അതോ ഇന്നത്തെ സാങ്കൽപ്പിക കഥകളുടെ ക്വാട്ട തികച്ചോ?”
തന്റെ ഔദ്യോഗിക സോഷ്യൽ മീഡിയ അക്കൗണ്ടിലൂടെയാണ് തൃഷ ഇത്തരത്തിൽ മറുപടി നൽകിയത്.
തൃഷ അഭിനയം നിർത്തുകയാണെന്നും ഒരു വിദേശ ബിസിനസുകാരനുമായുള്ള വിവാഹം കഴിഞ്ഞുവെന്നുമായിരുന്നു കുറച്ചുദിവസങ്ങളായി കോളിവുഡിൽ പ്രചരിച്ച ഗോസിപ്പുകൾ. ഇതിനിടയിൽ നടനും നിർമ്മാതാവുമായ ചിത്ര ലക്ഷ്മണൻ നടത്തിയ പ്രതികരണവും ചർച്ചയായിരുന്നു. തൃഷ സിനിമകൾ നിരസിക്കുന്നുണ്ടെന്നും അഭിനയം നിർത്തുന്നു എന്നത് സത്യമാണെന്നുമാണ് ചില നിർമ്മാതാക്കളെ ഉദ്ധരിച്ച് അദ്ദേഹം പറഞ്ഞിരുന്നത്. എന്നാൽ തന്റെ കരിയറിൽ ഇപ്പോഴും സജീവമാണെന്നും ഇത്തരം വാർത്തകൾ വെറും സാങ്കൽപ്പികം മാത്രമാണെന്നുമാണ് തൃഷയുടെ വാക്കുകൾ സൂചിപ്പിക്കുന്നത്.
നിലവിൽ വൻ പ്രോജക്റ്റുകളുടെ ഭാഗമായ തൃഷ, തന്റെ തിരക്കുകൾക്കിടയിലും ഇത്തരം വ്യാജവാർത്തകളെ തള്ളിക്കളയാൻ സമയം കണ്ടെത്തിയത് ആരാധകർക്കിടയിൽ വലിയ ആവേശം ഉണ്ടാക്കിയിട്ടുണ്ട്.
Story Summary:
Actress Trisha has responded with wit and sarcasm to rumors claiming she is quitting cinema and has secretly married a wealthy businessman. Taking to social media, she mocked the reports by asking if she should add more to these imaginary stories, including the fabricated detail about having four twin children. The rumors gained traction after producer Chithra Lakshmanan suggested that Trisha had been rejecting new film offers.
