തിരുവനന്തപുരം: യാത്രക്കാരുടെ തിരക്ക് പരിഗണിച്ച് ചെന്നൈയിൽ നിന്ന് കേരളത്തിലേക്ക് രണ്ട് സ്പെഷ്യൽ ട്രെയിനുകൾ കൂടി റെയിൽവേ അനുവദിച്ചു (Chennai to Kerala Special Trains 2026). ചെന്നൈ സെൻട്രൽ – കൊല്ലം ജങ്ഷൻ, ചെന്നൈ എഗ്മൂർ – തിരുവനന്തപുരം നോർത്ത് എന്നീ റൂട്ടുകളിലാണ് പ്രത്യേക സർവീസുകൾ നടത്തുക.
1. ചെന്നൈ സെൻട്രൽ – കൊല്ലം ജങ്ഷൻ എക്സ്പ്രസ് സ്പെഷ്യൽ (06119/06120):
പാലക്കാട് വഴിയാണ് ഈ ട്രെയിൻ സർവീസ് നടത്തുന്നത്. 16 എസി കോച്ചുകളാണ് ഈ ട്രെയിനിൽ ഉണ്ടാകുക.
ചെന്നൈയിൽ നിന്ന്: ഏപ്രിൽ 15-ന് പകൽ 3.10-ന് പുറപ്പെട്ട് പിറ്റേന്ന് രാവിലെ 6.55-ന് കൊല്ലത്തെത്തും.
കൊല്ലത്ത് നിന്ന്: ഏപ്രിൽ 16-ന് രാവിലെ 10.40-ന് പുറപ്പെട്ട് പിറ്റേന്ന് പുലർച്ചെ 3.30-ന് ചെന്നൈയിലെത്തും.
2. ചെന്നൈ എഗ്മൂർ – തിരുവനന്തപുരം നോർത്ത് എക്സ്പ്രസ് സ്പെഷ്യൽ (06115/06116):
ഈ ട്രെയിനിൽ നാല് ത്രീ ടയർ എസി, 10 സ്ലീപ്പർ, 4 ജനറൽ കോച്ചുകൾ എന്നിങ്ങനെയാണ് ക്രമീകരിച്ചിരിക്കുന്നത്.
ചെന്നൈയിൽ നിന്ന്: ഏപ്രിൽ 10-ന് രാത്രി 11.55-ന് പുറപ്പെട്ട് പിറ്റേന്ന് വൈകിട്ട് 6.00-ന് തിരുവനന്തപുരം നോർത്തിൽ (കൊച്ചുവേളി) എത്തും.
തിരുവനന്തപുരത്ത് നിന്ന്: ഏപ്രിൽ 15-ന് പകൽ 3.45-ന് പുറപ്പെട്ട് പിറ്റേന്ന് രാവിലെ 11.45-ന് എഗ്മൂറിലെത്തും.
വേനൽക്കാല തിരക്കും വിഷു ആഘോഷങ്ങളും കണക്കിലെടുത്താണ് റെയിൽവേയുടെ ഈ തീരുമാനം. ടിക്കറ്റ് ബുക്കിംഗ് ഉടൻ ആരംഭിക്കുമെന്ന് അധികൃതർ അറിയിച്ചു.
Story Summary:
The Southern Railway has announced two special trains from Chennai to Kerala to accommodate the festive rush. The Chennai Central–Kollam Junction Special (06119/06120) will operate via Palakkad on April 15 and 16. Another service, Chennai Egmore–Thiruvananthapuram North Special (06115/06116), will run on April 10 and 15, featuring AC, sleeper, and general coaches.
