ചണ്ഡീഗഡ്: ഹരിയാനയിലെ പട്ടൗഡിയിൽ ഉണ്ടായ അതിദാരുണമായ വാഹനാപകടത്തിൽ ഒരു കുടുംബത്തിലെ മൂന്ന് പേർക്ക് ജീവൻ നഷ്ടമായി (Pataudi Road Accident News March 2026). നടക്കാനിറങ്ങിയ സുഭാഷ് (70), അദ്ദേഹത്തിന്റെ കൊച്ചുമക്കളായ സെയ്ദ് (10), ഇഷാന്ത് (8) എന്നിവരാണ് മരിച്ചത്. വെള്ളിയാഴ്ച വൈകുന്നേരമായിരുന്നു അപകടം.
രാജസ്ഥാനിലെ അൽവാറിൽ നിന്നുള്ളവരാണ് കുട്ടികൾ. സ്കൂൾ അവധിക്കാലം ആഘോഷിക്കാൻ പട്ടൗഡിയിലെ മുത്തച്ഛന്റെ വീട്ടിലെത്തിയതായിരുന്നു ഇരുവരും.സുഭാഷും കൊച്ചുമക്കളും വീടിന് സമീപം നടക്കാനിറങ്ങിയപ്പോൾ പിന്നിൽ നിന്ന് അമിതവേഗത്തിൽ വന്ന കാർ ഇവരെ ഇടിച്ചുതെറിപ്പിക്കുകയായിരുന്നു.
ഗുരുതരമായി പരിക്കേറ്റ മൂവരെയും ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മരണത്തിന് കീഴടങ്ങി.അപകടത്തിന് പിന്നാലെ കാർ നിർത്തി ഡ്രൈവർ ഓടി രക്ഷപ്പെട്ടു. പ്രതിയെ തിരിച്ചറിഞ്ഞിട്ടുണ്ടെന്നും ഉടൻ തന്നെ അറസ്റ്റ് ചെയ്യുമെന്നും പട്ടൗഡി പോലീസ് അറിയിച്ചു. അശ്രദ്ധമായി വാഹനമോടിച്ചതിനും നരഹത്യയ്ക്കും ഡ്രൈവർക്കെതിരെ കേസെടുത്തിട്ടുണ്ട്.
Short Story Summary:
In a tragic hit-and-run accident in Pataudi, Haryana, a 70-year-old man named Subhash and his two grandsons, Said (10) and Ishant (8), were killed. The children had come from Alwar, Rajasthan, to spend their vacation with their grandfather. They were struck from behind by a speeding car while out for a evening walk. The driver fled the scene, and police are currently conducting a manhunt to arrest the culprit.
