കൊച്ചി: കേരളത്തിൽ ഇടത് സർക്കാരിന്റെ ഭരണത്തുടർച്ചയാണ് താൻ ആഗ്രഹിക്കുന്നതെന്ന് നടനും സംവിധായകനുമായ സോഹൻ സീനുലാൽ (Sohan Seenulal Political Statement 2026). ജനങ്ങൾക്ക് വേണ്ടി പ്രവർത്തിക്കുന്ന സർക്കാരാണ് അധികാരത്തിൽ വരേണ്ടതെന്നും അല്ലാതെ തമ്മിലടിക്കുന്നവരുടെ കൂട്ടമല്ലെന്നും അദ്ദേഹം പറഞ്ഞു. ഓൺലൈൻ മാധ്യമങ്ങളുടെ ചോദ്യങ്ങൾക്ക് മറുപടി നൽകുകയായിരുന്നു താരം.
എൽഡിഎഫ് സർക്കാർ തുടങ്ങിയ ഒട്ടേറെ വികസന പ്രവർത്തനങ്ങൾ പൂർത്തിയാക്കാൻ ഒരു ഭരണത്തുടർച്ച അനിവാര്യമാണ്. കേരളം മുഴുവൻ ഒരു തുടർഭരണത്തിനായി കാത്തിരിക്കുകയാണെന്നും അദ്ദേഹം പറഞ്ഞു. യുഡിഎഫ് അധികാരത്തിൽ വന്നാൽ ആരായിരിക്കും മുഖ്യമന്ത്രി എന്ന ചോദ്യത്തിന്, “അത് അവർക്ക് തന്നെ അറിയില്ലല്ലോ, പിന്നെ ഞാൻ എങ്ങനെ പറയാനാണ്?” എന്നായിരുന്നു സോഹന്റെ പരിഹാസരൂപേണയുള്ള മറുപടി.
കേരളത്തിന്റേത് മതനിരപേക്ഷ മനസ്സാണ്. അതുകൊണ്ടുതന്നെ ഫാസിസം, വർഗീയത, ഹിന്ദുത്വം എന്നൊക്കെ പറഞ്ഞ് വരുന്നവരെ ഏത് മതത്തിൽപ്പെട്ടവരായാലും കേരളത്തിലെ പൊതുസമൂഹം അംഗീകരിക്കില്ലെന്ന് അദ്ദേഹം വ്യക്തമാക്കി.
ജനങ്ങൾക്ക് വേണ്ടി കാര്യങ്ങൾ ചെയ്യുന്ന പിണറായി സർക്കാർ തന്നെ അധികാരത്തിൽ തുടരണമെന്നാണ് തന്റെയും താനുൾപ്പെടെയുള്ള പൊതുജനങ്ങളുടെയും ആഗ്രഹമെന്ന് സോഹൻ സീനുലാൽ കൂട്ടിച്ചേർത്തു.
Short Story Summary:
Actor-director Sohan Seenulal has openly supported the LDF government, advocating for a continuation of the Pinarayi Vijayan ministry. He emphasized that the state needs a government that works for the people rather than a group plagued by internal conflicts. Mocking the UDF over its lack of a clear CM candidate and dismissing communal politics, Sohan stated that Kerala’s secular fabric will reject any form of fascism.
