കൊച്ചി: പാലക്കാട്ടെ യുഡിഎഫ് സ്ഥാനാർത്ഥി രമേശ് പിഷാരടിക്കെതിരെ രൂക്ഷമായ വ്യക്തിപരമായ കടന്നാക്രമണവുമായി തൃക്കാക്കരയിലെ എൻഡിഎ സ്ഥാനാർത്ഥി അഖിൽ മാരാർ (Akhil Marar Thrikkakara NDA Candidate). വർഷങ്ങൾക്ക് മുൻപ് അബുദാബിയിൽ നടന്ന ഒരു സ്റ്റേജ് ഷോയ്ക്കിടെ നടൻ ജോജു ജോർജിന് നേരിടേണ്ടി വന്ന ദുരനുഭവമാണ് തങ്ങൾക്കിടയിലെ തർക്കങ്ങൾക്ക് അടിസ്ഥാനമെന്ന് അഖിൽ മാരാർ വെളിപ്പെടുത്തി.
അബുദാബിയിൽ മുഖ്യമന്ത്രിയും മമ്മൂട്ടിയും മോഹൻലാലും ഉൾപ്പെടെ പങ്കെടുത്ത ഒരു വലിയ പരിപാടിയിൽ ജോജു ജോർജിനെ വേദിയിൽ കയറ്റാതിരിക്കാൻ രമേശ് പിഷാരടി കരുനീക്കങ്ങൾ നടത്തിയെന്നാണ് അഖിലിന്റെ ആരോപണം.
“അന്ന് ആ പരിപാടിയിൽ ജോജുവിനെ കയറ്റാതിരിക്കാൻ ചില കള്ളിക്കളികൾ കളിച്ചതിൽ പ്രധാനി ഈ പിഷാരടിയായിരുന്നു. ആ ദേഷ്യം എനിക്കുണ്ട്. പാലക്കാട് ചെന്ന് തോൽക്കാൻ പോകുന്ന ആളെ പരിഹസിക്കാൻ ഞാനില്ല.”
തിരഞ്ഞെടുപ്പിന് ശേഷം സിനിമയിലേക്ക് തിരികെ പോകാൻ ഉദ്ദേശിക്കുന്നില്ലെന്നും രാഷ്ട്രീയം സിനിമയേക്കാൾ എളുപ്പമാണെന്നും അഖിൽ പറഞ്ഞു. ഗൗരവകരമായ ആശയങ്ങൾ പറയാനുണ്ടെങ്കിൽ മാത്രമേ ഇനി സിനിമ ചെയ്യൂ. തനിക്ക് രാഷ്ട്രീയത്തിലേക്കുള്ള ഒരു വഴി മാത്രമായിരുന്നു സിനിമ.
തൃക്കാക്കരയിൽ വിജയിക്കുമെന്ന ശുഭപ്രതീക്ഷയിലാണ് താനെന്നും അനാവശ്യ കാര്യങ്ങളിൽ ഇടപെടാൻ താല്പര്യമില്ലെന്നും അഖിൽ വ്യക്തമാക്കി.
ബിഗ് ബോസ് താരം റോബിൻ രാധാകൃഷ്ണനുമായി തനിക്ക് നിലവിൽ പ്രശ്നങ്ങളൊന്നുമില്ലെന്നും ബിഗ് ബോസിലെ തർക്കങ്ങൾ അവിടെ തീർന്നതായും അഖിൽ കൂട്ടിച്ചേർത്തു. ഇരുവരും അടുത്തിടെ ദുബായിൽ ഒരു പരിപാടിയിൽ ഒരുമിച്ച് പങ്കെടുത്ത കാര്യവും അദ്ദേഹം ഓർമ്മിപ്പിച്ചു.
“തൃക്കാക്കരയിൽ മാറാത്ത മാരാര് മാറ്റും” എന്ന വെല്ലുവിളിയോടെയാണ് അഖിൽ മാരാർ തന്റെ പ്രചാരണം കൊഴുപ്പിക്കുന്നത്.
Short Story Summary:
NDA candidate from Thrikkakara, Akhil Marar, has intensified his verbal attack on UDF’s Palakkad candidate Ramesh Pisharody. Marar alleged that his animosity stems from an incident in Abu Dhabi where Pisharody allegedly tried to prevent actor Joju George from appearing on stage alongside the CM and superstars. Claiming that Pisharody is heading for a defeat in Palakkad, Akhil stated he is focused on his own win in Thrikkakara and plans to stick to politics over cinema in the future.
