വയനാട്: വെള്ളമുണ്ടയിലെ ‘ബുക്ക് ഇൻ’ ഹോട്ടലിലാണ് ഭക്ഷണത്തിന്റെ പേരിൽ അതിക്രമം നടന്നത് (Wayanad hotel attack ). ഹോട്ടലിൽ നിന്ന് പാഴ്സലായി വാങ്ങിയ ബീഫ് ഫ്രൈയ്ക്ക് ദുർഗന്ധമുണ്ടെന്ന് ആരോപിച്ചായിരുന്നു യുവാവിന്റെ പരാക്രമം. ഹോട്ടലിലെത്തിയ യുവാവ് ജീവനക്കാരെ അസഭ്യം പറയുകയും ക്രൂരമായി മർദ്ദിക്കുകയും ചെയ്തു. ഇതിനുപിന്നാലെ ഹോട്ടലിലെ മേശകളും കസേരകളും എറിഞ്ഞുടച്ച് ലക്ഷക്കണക്കിന് രൂപയുടെ നാശനഷ്ടങ്ങൾ വരുത്തി.
അക്രമം നടത്തുമ്പോൾ യുവാവ് മദ്യലഹരിയിലായിരുന്നുവെന്ന് ഹോട്ടൽ ജീവനക്കാർ പോലീസിന് മൊഴി നൽകി. രണ്ട് ദിവസം മുൻപ് നടന്ന സംഭവത്തിന്റെ സി.സി.ടി.വി (CCTV) ദൃശ്യങ്ങൾ ഇപ്പോൾ പുറത്തുവന്നിട്ടുണ്ട്.ഹോട്ടൽ ഉടമയുടെ പരാതിയിൽ വെള്ളമുണ്ട പോലീസ് കേസെടുത്ത് അന്വേഷണം ആരംഭിച്ചു. സി.സി.ടി.വി ദൃശ്യങ്ങളിൽ നിന്ന് പ്രതിയെക്കുറിച്ച് വ്യക്തമായ സൂചന ലഭിച്ചതായും ഉടൻ അറസ്റ്റുണ്ടാകുമെന്നും പോലീസ് അറിയിച്ചു.
ഭക്ഷണത്തിന്റെ ഗുണനിലവാരത്തെക്കുറിച്ച് പരാതിയുണ്ടെങ്കിൽ അധികൃതരെ അറിയിക്കുന്നതിന് പകരം നിയമം കയ്യിലെടുക്കുന്ന ഇത്തരം സംഭവങ്ങൾക്കെതിരെ കർശന നടപടി വേണമെന്ന് ഹോട്ടൽ ഉടമകൾ ആവശ്യപ്പെട്ടു.
Story Summary: An attack took place at ‘Book In’ hotel in Vellamunda, Wayanad, after a youth alleged that the beef fry he purchased was spoiled. The intoxicated youth assaulted hotel staff and destroyed furniture. Vellamunda police have started an investigation based on CCTV footage and a complaint from the hotel management.
