തിരുവനന്തപുരം: രാജ്യത്ത് വേനൽ കടുക്കുന്നതിനിടെ കുപ്പിവെള്ളത്തിന്റെ വില വർധിക്കാൻ സാധ്യതയെന്ന് റിപ്പോർട്ടുകൾ (Bottled water price hike India 2026). അമേരിക്ക-ഇസ്രായേൽ സഖ്യവും ഇറാനും തമ്മിലുള്ള സംഘർഷത്തെത്തുടർന്ന് ഹോർമൂസ് കടലിടുക്ക് വഴിയുള്ള ചരക്കുനീക്കം തടസ്സപ്പെട്ടതാണ് വിപണിയിൽ പ്രത്യാഘാതങ്ങൾ ഉണ്ടാക്കുന്നത്.
പ്ലാസ്റ്റിക് നിർമ്മാണത്തിനാവശ്യമായ പോളിമർ ക്രൂഡ് ഓയിലിൽ നിന്നാണ് വേർതിരിച്ചെടുക്കുന്നത്. ക്രൂഡ് ഓയിൽ വില ഉയർന്നതോടെ പ്ലാസ്റ്റിക് കുപ്പികളുടെ നിർമ്മാണ വസ്തുക്കളുടെ വില 50 ശതമാനം വർധിച്ച് കിലോയ്ക്ക് 170 രൂപയായി.കുപ്പിയുടെ അടപ്പുകൾക്ക് ഇരട്ടിയിലധികം വില കൂടി. ഇതിനുപുറമെ കാർഡ്ബോർഡ് ബോക്സുകൾ, ലേബലുകൾ, ടേപ്പുകൾ എന്നിവയുടെ വിലയും കുതിച്ചുയരുകയാണ്.ആഗോളതലത്തിൽ ഇന്ധനവില വർധിച്ചത് കുപ്പിവെള്ളത്തിന്റെ വിതരണ ചെലവ് (Logistics cost) ഗണ്യമായി ഉയരാൻ കാരണമായി.
ഇന്ത്യയിലെ സാഹചര്യം:
ഏകദേശം 40,000 കോടി രൂപ മൂല്യമുള്ളതാണ് ഇന്ത്യയിലെ കുപ്പിവെള്ള വിപണി. ലോകത്തിലെ ഏറ്റവും വേഗത്തിൽ വളരുന്ന വിപണികളിലൊന്നാണിത്.രാജ്യത്തെ 70 ശതമാനം ഭൂഗർഭജലവും മലിനമാണെന്ന കണ്ടെത്തലുകൾ ജനങ്ങളെ കുപ്പിവെള്ളത്തെ കൂടുതൽ ആശ്രയിക്കാൻ പ്രേരിപ്പിക്കുന്നു. 140 കോടി ജനങ്ങളുള്ള ഇന്ത്യയിൽ വേനൽക്കാലത്ത് കുപ്പിവെള്ളത്തിന് ആവശ്യക്കാർ ഏറുന്നത് പ്രതിസന്ധി രൂക്ഷമാക്കും.
നിലവിൽ പ്രമുഖ കുടിവെള്ള ബ്രാൻഡുകൾ വില വർധന ഔദ്യോഗികമായി പ്രഖ്യാപിച്ചിട്ടില്ലെങ്കിലും, ഉൽപ്പാദന ചെലവ് വർധിച്ച സാഹചര്യത്തിൽ വിതരണക്കാർക്കുള്ള നിരക്ക് പല കമ്പനികളും ഉയർത്തിത്തുടങ്ങിയിട്ടുണ്ട്. ഇത് വൈകാതെ തന്നെ ഉപഭോക്താക്കളെ ബാധിക്കാനാണ് സാധ്യത.
Story Summary: The Middle East conflict is significantly impacting India’s bottled water industry. Rising crude oil prices have led to a 50% increase in polymer prices, the raw material for plastic bottles. Costs for bottle caps, labels, and transportation have also spiked. With 70% of groundwater contaminated, India’s ₹40,000 crore bottled water market faces a severe challenge as the peak summer season approaches.
