പത്തനാപുരം: വ്യക്തിജീവിതവുമായി ബന്ധപ്പെട്ട ആരോപണങ്ങളിൽ കുടുങ്ങിയ ഗതാഗതമന്ത്രി കെ.ബി. ഗണേഷ് കുമാറിനെതിരെ പ്രതിഷേധം ശക്തമാകുന്നു (KSU protest against K.B. Ganesh Kumar Pathanapuram). മന്ത്രിയുടെ മണ്ഡലമായ പത്തനാപുരത്ത് കെഎസ്യു (KSU) പ്രവർത്തകർ കെഎസ്ആർടിസി ബസിന് മുന്നിൽ ബാനറുകളുമായി പ്രതിഷേധിച്ചു. മന്ത്രിയുടെ രാജിയാവശ്യപ്പെട്ട് പ്രതിപക്ഷം സമരം തെരുവിലേക്ക് വ്യാപിപ്പിക്കുകയാണ്.
പത്തനാപുരത്ത് കെഎസ്ആർടിസി ബസിന് മുന്നിൽ ‘കാലൻ കോഴി പത്തനാപുരത്തിന് വേണ്ട’ എന്ന ബാനറുമായാണ് കെഎസ്യു പ്രവർത്തകർ എത്തിയത്. ഗണേഷ് കുമാറിന്റെ ‘ആനവണ്ടി’ ഇനി ‘കോഴി വണ്ടി’ എന്നറിയപ്പെടുമെന്ന് പരിഹസിച്ചായിരുന്നു പ്രതിഷേധം. വിഷയത്തിൽ നിഷ്പക്ഷമായ അന്വേഷണം വേണമെന്ന് ആവശ്യപ്പെട്ട് കെഎസ്യു ഡിജിപിക്ക് പരാതി നൽകി. പോലീസിന്റെ ഭാഗത്ത് വീഴ്ചയുണ്ടായെന്നും ആഭ്യന്തരവകുപ്പ് ഭരിക്കുന്ന മുഖ്യമന്ത്രി ഇതിന് മറുപടി പറയണമെന്നുമാണ് പ്രതിപക്ഷത്തിന്റെ നിലപാട്.
അതേസമയം , വിവാദങ്ങൾ മുന്നണിയുടെ പ്രതിച്ഛായയെ ബാധിക്കുമെന്ന വിലയിരുത്തലിൽ സിപിഐഎം നേതൃത്വം വിഷയത്തിൽ ഇടപെട്ടേക്കും. മുഖ്യമന്ത്രി പിണറായി വിജയൻ നേരിട്ട് ഗണേഷ് കുമാറുമായി സംസാരിക്കുമെന്നാണ് വിവരം.
ഗണേഷ് കുമാറിന്റെയും കുടുംബത്തിന്റെയും പ്രതികരണം
തനിക്കെതിരെ ഉയരുന്നത് തിരഞ്ഞെടുപ്പ് ലക്ഷ്യമിട്ടുള്ള ആരോപണങ്ങൾ മാത്രമാണെന്ന് ഗണേഷ് കുമാർ പ്രതികരിച്ചു. “തനിക്ക് ഒന്നല്ല, ഒരായിരം പ്രണയങ്ങൾ ഉണ്ടാകും, വ്യക്തിജീവിതത്തിൽ ഇടപെടാൻ ആർക്കും അവകാശമില്ല” എന്ന അദ്ദേഹത്തിന്റെ പരാമർശം വലിയ ചർച്ചയായിട്ടുണ്ട്.
അതേസമയം, ഗണേഷിന്റെ ഭാര്യ ബിന്ദു മേനോന്റെ കുടുംബം വിഷയത്തിൽ അതീവ ദുഃഖിതരാണെന്ന് അറിയിച്ചു. നിലവിൽ പരസ്യമായ പ്രതികരണത്തിനില്ലെന്നും എന്നാൽ മാനസിക സമ്മർദ്ദത്തിലാണെന്നും അവർ വ്യക്തമാക്കി. വിശദമായ കൂടിയാലോചനകൾക്ക് ശേഷം നിയമനടപടി സ്വീകരിക്കാനാണ് കുടുംബത്തിന്റെ തീരുമാനം. വരും ദിവസങ്ങളിൽ പത്തനാപുരത്തെ മന്ത്രിയുടെ ഓഫീസിലേക്ക് കൂടുതൽ പ്രതിഷേധ മാർച്ചുകൾ സംഘടിപ്പിക്കാൻ യുഡിഎഫ് തീരുമാനിച്ചിട്ടുണ്ട്.
Story Summar:
Protests against Transport Minister K.B. Ganesh Kumar intensified in Pathanapuram as KSU activists blocked KSRTC buses, demanding his resignation over personal allegations. While the opposition intensified its street protests and petitioned the DGP for an investigation, Ganesh Kumar dismissed the row as politically motivated, stating his personal life remains his own business. Meanwhile, the LDF leadership and Chief Minister Pinarayi Vijayan are expected to intervene. The family of the Minister’s wife, Bindu Menon, expressed distress and said they are considering legal options.
