തിരുവനന്തപുരം: ആറ്റുകാൽ ഭഗവതി ക്ഷേത്രത്തിലെ പൊങ്കാല മഹോത്സവത്തിനിടെ ഭക്തരുടെ മാല കവരാൻ ശ്രമിച്ച തമിഴ്നാട് സ്വദേശിനികൾ പിടിയിലായി (Attukal Pongala theft case). മേട്ടുപ്പാളയം സ്വദേശിനികളായ റോസ്നി, മീനാക്ഷി, ശാന്തി, മീന എന്നിവരെയാണ് പോലീസ് പിടികൂടിയത്. ക്ഷേത്രപരിസരത്തെ തിരക്കിനിടയിൽ മാല മോഷ്ടിക്കുന്നതിനിടെ രണ്ട് വ്യത്യസ്ത കേസുകളിലായാണ് ഇവർ പിടിയിലായത്.
പിടിയിലായവർ മുൻപും സമാനമായ രീതിയിൽ മോഷണക്കേസുകളിൽ പ്രതികളാണെന്ന് പോലീസ് അറിയിച്ചു. ഉത്സവകാലങ്ങളിലെ തിരക്ക് മുതലെടുത്ത് മോഷണം നടത്തുന്ന സംഘത്തിലെ കണ്ണികളാണ് ഇവരെന്നാണ് പ്രാഥമിക നിഗമനം. പിടിയിലായ നാലുപേരെയും കോടതിയിൽ ഹാജരാക്കി റിമാൻഡ് ചെയ്തു.
പൊങ്കാല പ്രമാണിച്ച് നഗരത്തിലും ക്ഷേത്രപരിസരത്തും ശക്തമായ സുരക്ഷാ ക്രമീകരണങ്ങളും സിസിടിവി നിരീക്ഷണവും പോലീസ് ഏർപ്പെടുത്തിയിരുന്നു. ഇതാണ് പ്രതികളെ വേഗത്തിൽ വലയിലാക്കാൻ സഹായിച്ചത്. തമിഴ്നാട്ടിൽ നിന്നുള്ള കൂടുതൽ മോഷണ സംഘങ്ങൾ നഗരത്തിൽ എത്തിയിട്ടുണ്ടോ എന്ന് പോലീസ് നിരീക്ഷിച്ചു വരികയാണ്.
Story Summary :
Four women from Mettupalayam, Tamil Nadu, were arrested for attempting to snatch gold chains during the Attukal Pongala festival in Thiruvananthapuram. The accused, identified as Roshni, Meenakshi, Shanthi, and Meena, were caught in two separate incidents near the temple premises. They are habitual offenders in similar cases and have been remanded by the court.
