കൊച്ചി: പ്രമുഖ ചലച്ചിത്ര സംവിധായകൻ ചിദംബരത്തിനെതിരെ ലൈംഗികാതിക്രമത്തിന് പരാതി നൽകിയ യുവനടിയുടെ രഹസ്യമൊഴി (164 Statement) കോടതി രേഖപ്പെടുത്തും (Director Chidambaram Sexual Assault Case). വിദേശത്തുള്ള നടി ഉടൻ കൊച്ചിയിലെത്തും. മൊഴി രേഖപ്പെടുത്തിയ ശേഷം ചിദംബരത്തെ വിശദമായി ചോദ്യം ചെയ്യാനാണ് അന്വേഷണ സംഘത്തിന്റെ തീരുമാനം.
2022-ൽ എളംകുളത്തെ ഫ്ലാറ്റിൽ വെച്ച് ചിദംബരം അതിക്രമിച്ചുകയറി ലൈംഗിക ഉദ്ദേശ്യത്തോടെ പെരുമാറി എന്നാണ് നടിയുടെ പരാതി. എറണാകുളം സൗത്ത് പോലീസാണ് കഴിഞ്ഞദിവസം കേസെടുത്തത്. സ്ത്രീത്വത്തെ അപമാനിക്കൽ, ലൈംഗികാധിക്ഷേപം (Sexual Harassment) തുടങ്ങിയ ഗൗരവകരമായ വകുപ്പുകളാണ് സംവിധായകനെതിരെ ചുമത്തിയിരിക്കുന്നത്.
നടിയുടെ പ്രാഥമിക മൊഴി പോലീസ് രേഖപ്പെടുത്തിയിട്ടുണ്ട്. മജിസ്ട്രേട്ടിന് മുന്നിൽ നൽകുന്ന രഹസ്യമൊഴി കേസിൽ നിർണ്ണായക തെളിവായി മാറും. മലയാള സിനിമയിലെ മുൻനിര സംവിധായകരിൽ ഒരാളായ ചിദംബരത്തിനെതിരെയുള്ള ഈ കേസ് ചലച്ചിത്ര മേഖലയിൽ വലിയ ചർച്ചകൾക്ക് വഴിവെച്ചിട്ടുണ്ട്. രഹസ്യമൊഴിക്ക് ശേഷം അറസ്റ്റ് ഉൾപ്പെടെയുള്ള നടപടികളിലേക്ക് പോലീസ് നീങ്ങുമോ എന്നാണ് സിനിമാ ലോകം ഉറ്റുനോക്കുന്നത്.
Story Summary: A magistrate will soon record the confidential statement (Section 164) of a young actress who filed a sexual assault case against film director Chidambaram. The actress, currently abroad, is expected to arrive in Kochi within two days. Ernakulam South Police booked Chidambaram for allegedly harassing her at a flat in 2022.
