റിയാദ്: പശ്ചിമേഷ്യൻ രാജ്യങ്ങൾക്കിടയിൽ സംഘർഷം കടുക്കുന്ന സാഹചര്യത്തിൽ സൗദി അറേബ്യയിലെ ഇന്ത്യൻ പൗരന്മാരുടെ സുരക്ഷ ഉറപ്പാക്കാൻ ഇന്ത്യൻ എംബസി നടപടികൾ ശക്തമാക്കി (Indian Embassy Riyadh Helpline). അംബാസഡർ ഡോ. സുഹേൽ അജാസ് ഖാൻ്റെ നേതൃത്വത്തിൽ സന്നദ്ധപ്രവർത്തകരുടെയും സാമൂഹിക പ്രതിനിധികളുടെയും അടിയന്തര യോഗം റിയാദിൽ ചേർന്നു.
സൗദി അറേബ്യ വിശാലമായ രാജ്യമായതിനാൽ ഒരിടത്തുണ്ടാകുന്ന പ്രശ്നങ്ങൾ എല്ലായിടത്തെയും ബാധിക്കില്ല. നാട്ടിലുള്ള ബന്ധുക്കൾ അനാവശ്യമായി പരിഭ്രാന്തരാകേണ്ടതില്ല. യുദ്ധവുമായി ബന്ധപ്പെട്ട വീഡിയോകളോ ഫോട്ടോകളോ സോഷ്യൽ മീഡിയയിൽ പങ്കുവെക്കുമ്പോൾ അതീവ ശ്രദ്ധ പുലർത്തണം. രാജ്യത്തെ നിയമങ്ങൾ കർശനമായി പാലിക്കണം.
വിസിറ്റ് വിസയിൽ എത്തിയവർ വിമാന സൗകര്യങ്ങൾ ലഭ്യമാകുന്ന മുറയ്ക്ക് മടക്കയാത്ര ചെയ്യാൻ ശ്രദ്ധിക്കണം. എംബസിയുടെ ഔദ്യോഗിക ചാനലുകൾ വഴി വരുന്ന വിവരങ്ങൾ മാത്രം വിശ്വസിക്കുക. വ്യാജ വാർത്തകൾ പ്രചരിപ്പിക്കരുത്.
അടിയന്തര സഹായത്തിന് ബന്ധപ്പെടാം:
സൗദിയിലെ ഇന്ത്യൻ പൗരന്മാരെ സഹായിക്കുന്നതിനായി എംബസിയിൽ പ്രത്യേക ഹെൽപ്പ് ഡെസ്ക് കൗണ്ടർ പ്രവർത്തനം ആരംഭിച്ചു.
സൗദിയിലെ ഇന്ത്യൻ പൗരന്മാരെ സഹായിക്കുന്നതിനായി എംബസിയിൽ പ്രത്യേക ഹെൽപ്പ് ഡെസ്ക് കൗണ്ടർ പ്രവർത്തനം ആരംഭിച്ചു.
| സേവനം | ബന്ധപ്പെടേണ്ട വിവരം |
| ഫോൺ | 00-966-11-4884697 |
| വാട്സ്ആപ്പ് | 00-966-542126748 |
| ടോൾ ഫ്രീ (സൗദിയിൽ) | 800 247 1234 |
| ഇമെയിൽ | cw.riyadh@mea.gov.in |
റിയാദിലെ എംബസിയും ജിദ്ദയിലെ കോൺസുലേറ്റും നിലവിൽ സാധാരണ നിലയിൽ പ്രവർത്തിക്കുന്നുണ്ടെന്നും അടിയന്തര സാഹചര്യമുണ്ടായാൽ സന്നദ്ധ പ്രവർത്തകരുമായി ചേർന്ന് ഏകോപനം നടത്തുമെന്നും അധികൃതർ വ്യക്തമാക്കി.
Story Summary: The Indian Embassy in Riyadh conducted a meeting with community volunteers to address the concerns of NRIs amidst the Middle East conflict. Ambassador Dr. Suhel Ajaz Khan urged citizens to stay alert but remain calm. A dedicated help desk has been opened, and contact numbers for emergency assistance in Saudi Arabia have been released.
