കാരക്കാസ്: രാജ്യത്ത് സമാധാനവും രാഷ്ട്രീയ ഐക്യവും പുനഃസ്ഥാപിക്കുന്നതിന്റെ ഭാഗമായി വെനസ്വേലൻ നാഷണൽ അസംബ്ലി ഏകകണ്ഠമായി ‘പൊതുമാപ്പ് നിയമം’ പാസാക്കി (Venezuela Amnesty Law 2026). ആക്ടിംഗ് പ്രസിഡന്റ് ഡെൽസി റോഡ്രിഗസ് നിയമത്തിൽ ഒപ്പുവെച്ചു. ഇതോടെ രാഷ്ട്രീയ തടവുകാർക്കും വിവിധ കുറ്റകൃത്യങ്ങളിൽ ശിക്ഷിക്കപ്പെട്ടവർക്കും ശിക്ഷാ ഇളവ് ലഭിക്കും.
നിലവിൽ പരോളിലായിരുന്ന 3,000-ത്തോളം പേർക്ക് പൂർണ്ണ സ്വാതന്ത്ര്യം നൽകി. ആകെ 4,293 അപേക്ഷകളാണ് പൊതുമാപ്പിനായി സർക്കാരിന് ലഭിച്ചിട്ടുള്ളത്. രാഷ്ട്രീയ കാരണങ്ങളാൽ ജോലിയിൽ നിന്ന് പുറത്താക്കപ്പെട്ട സർക്കാർ ഉദ്യോഗസ്ഥർക്ക് അവരുടെ പഴയ പദവികളിലേക്ക് തിരിച്ചുവരാൻ ഈ നിയമം അനുവാദം നൽകുന്നു. വിദേശത്ത് കഴിയുന്ന വെനസ്വേലൻ പൗരന്മാർക്ക് ഈ ആനുകൂല്യം ലഭിക്കണമെങ്കിൽ അവർ നേരിട്ട് രാജ്യത്ത് ഹാജരാകേണ്ടതുണ്ട്.
ചില ഗുരുതര കുറ്റകൃത്യങ്ങളിൽ ഏർപ്പെട്ടവർക്ക് പൊതുമാപ്പ് നിയമത്തിന്റെ ആനുകൂല്യം ലഭിക്കില്ലെന്ന് സർക്കാർ വ്യക്തമാക്കിയിട്ടുണ്ട്. താഴെ പറയുന്നവർ ഇതിൽ ഉൾപ്പെടും: കൊലപാതകം, മയക്കുമരുന്ന് കടത്ത്, അഴിമതി എന്നീ കേസുകളിൽ പ്രതികളായവർ.
വെനസ്വേലയ്ക്കെതിരെ വിദേശ സൈനിക ഇടപെടലിനോ ഉപരോധത്തിനോ ആഹ്വാനം ചെയ്തവർ തുടങ്ങിയവർക്കാണ് ആനുകൂല്യം ലഭിക്കാത്ത.
രാജ്യം നേരിടുന്ന കടുത്ത സാമ്പത്തിക ഉപരോധങ്ങൾ നീക്കം ചെയ്യപ്പെടുന്നതിനും അന്താരാഷ്ട്ര സമൂഹവുമായുള്ള ബന്ധം മെച്ചപ്പെടുത്തുന്നതിനും ഈ നിയമനിർമ്മാണം സഹായിക്കുമെന്നാണ് ഇടക്കാല സർക്കാരിന്റെ പ്രതീക്ഷ. രാഷ്ട്രീയ തടവുകാരുടെ മോചനം വെനസ്വേലയിലെ മനുഷ്യാവകാശ സാഹചര്യങ്ങളിൽ വലിയ മാറ്റമുണ്ടാക്കുമെന്ന് നിരീക്ഷകർ കരുതുന്നു.
Story Summary: Venezuela’s National Assembly unanimously passed the ‘Amnesty Law’ aimed at restoring peace. Acting President Delcy Rodriguez signed the bill, granting freedom to nearly 3,000 parolees. The law allows dismissed officials to return to posts but excludes those involved in human rights violations, murder, or drug trafficking. Those abroad must appear in person to claim amnesty.
