ടെൽ അവീവ്/വാഷിങ്ടൺ: ഇറാനുമായുള്ള സംഘർഷം അതിരൂക്ഷമായ സാഹചര്യത്തിൽ ഇസ്രായേലിലെ തങ്ങളുടെ അത്യാവശ്യമില്ലാത്ത എംബസി ജീവനക്കാരോടും കുടുംബാംഗങ്ങളോടും രാജ്യം വിടാൻ അമേരിക്ക നിർദ്ദേശിച്ചു (US Embassy Israel Evacuation). “മടങ്ങാൻ ആഗ്രഹിക്കുന്നുവെങ്കിൽ ഇന്ന് തന്നെ അത് ചെയ്യണം” എന്ന് ഇസ്രായേലിലെ യുഎസ് അംബാസഡർ മൈക്ക് ഹക്കബി ജീവനക്കാർക്ക് അയച്ച ഇ-മെയിൽ സന്ദേശത്തിൽ വ്യക്തമാക്കുന്നു. ഇറാനെതിരായ നീക്കത്തിന്റെ ഭാഗമായി അമേരിക്ക വൻതോതിലുള്ള സൈനിക സന്നാഹമാണ് മേഖലയിൽ ഒരുക്കിയിരിക്കുന്നത്.
അമേരിക്കയുടെ അത്യാധുനിക വിമാനവാഹിനി കപ്പലായ യുഎസ്എസ് ജെറാൾഡ് (USS Gerald R. Ford) വടക്കൻ ഇസ്രായേൽ തീരത്തേക്ക് നീങ്ങുകയാണ്. ഡസൺ കണക്കിന് സ്റ്റെൽത്ത് എഫ്-22 (F-22 Raptor) ഫൈറ്റർ ജെറ്റുകൾ ഇതിനോടകം തന്നെ ഇസ്രായേലിലെ വ്യോമതാവളങ്ങളിൽ എത്തിയതായി സിഎൻഎൻ റിപ്പോർട്ട് ചെയ്യുന്നു.
ആണവ കരാർ സംബന്ധിച്ച് വ്യാഴാഴ്ച ജനീവയിൽ നടന്ന ചർച്ചകളിൽ പുരോഗതിയില്ലാത്തതാണ് നിലവിലെ പ്രകോപനത്തിന് കാരണം. കരാറിൽ ഒപ്പിടാൻ അമേരിക്കൻ പ്രസിഡന്റ് ഡൊണാൾഡ് ട്രംപ് നൽകിയ 15 ദിവസത്തെ സമയപരിധി അവസാനിക്കാറായതും ആശങ്ക വർദ്ധിപ്പിക്കുന്നു.
ടെഹ്റാനിലെ എംബസി ജീവനക്കാരെ താൽക്കാലികമായി മാറ്റിയിട്ടുണ്ട്. ഇറാനിലുള്ള പൗരന്മാരോട് രാജ്യം വിടാൻ കേന്ദ്ര സർക്കാർ നേരത്തെ നിർദ്ദേശിച്ചിരുന്നു. ചൈന, കാനഡ തുടങ്ങിയ രാജ്യങ്ങൾ തങ്ങളുടെ പൗരന്മാർക്ക് സമാനമായ യാത്രാ മുന്നറിയിപ്പ് നൽകിയിട്ടുണ്ട്.
വിമാന ടിക്കറ്റുകൾക്ക് വൻ ഡിമാൻഡ് അനുഭവപ്പെടാൻ സാധ്യതയുള്ളതിനാൽ എത്രയും വേഗം രാജ്യം വിടാനാണ് അമേരിക്കൻ പൗരന്മാർക്ക് നൽകിയിരിക്കുന്ന നിർദ്ദേശം.
Story Summary: The US has authorized the departure of non-essential embassy staff and their families from Israel due to escalating tensions with Iran. US Ambassador Mike Huckabee issued an urgent memo as the USS Gerald R. Ford aircraft carrier and F-22 stealth jets arrived in the region. Amid failing nuclear talks in Geneva, several nations, including India and the UK, have issued similar evacuation warnings for their citizens in the Middle East.
