ന്യൂഡൽഹി: പിണറായി സർക്കാരിന്റെ ‘നവകേരള സർവേ’ തടഞ്ഞുകൊണ്ടുള്ള കേരള ഹൈക്കോടതി ഉത്തരവ് സുപ്രീം കോടതി സ്റ്റേ ചെയ്തു. സർക്കാരിന്റെ നയപരമായ തീരുമാനങ്ങളിലും ഭരണപരമായ കാര്യങ്ങളിലും ഇടപെടാൻ സംസ്ഥാനങ്ങൾക്ക് അധികാരമുണ്ടെന്ന് നിരീക്ഷിച്ചാണ് ജസ്റ്റിസ് അധ്യക്ഷനായ ബെഞ്ചിന്റെ നടപടി.(Nava Kerala Survey, Supreme Court quashes High Court stay)
ക്ഷേമപദ്ധതികൾക്കായി കോടിക്കണക്കിന് രൂപ ചെലവഴിക്കുമ്പോൾ അത് ജനങ്ങളിലേക്ക് എങ്ങനെയെത്തുന്നു എന്ന് പരിശോധിക്കാനും വിവരശേഖരണം നടത്താനും സർക്കാരിന് അവകാശമുണ്ട്. നിലവിലുള്ള പദ്ധതികൾ മെച്ചപ്പെടുത്താൻ ഇത്തരം പരിശോധനകൾ അത്യാവശ്യമാണെന്നും കോടതി ചൂണ്ടിക്കാട്ടി.
രാഷ്ട്രീയ നേതാക്കൾ ഈ സർവേയെക്കുറിച്ച് എന്ത് പറയുന്നു എന്നത് കോടതിയെ ബാധിക്കുന്ന വിഷയമല്ല. രാഷ്ട്രീയ കാരണങ്ങൾ പറഞ്ഞ് വികസന-ക്ഷേമ പ്രവർത്തനങ്ങൾക്കായുള്ള വിവരശേഖരണം തടയാനാവില്ല. തിരഞ്ഞെടുപ്പ് അടുത്ത സാഹചര്യത്തിൽ സർക്കാർ പണം ഉപയോഗിച്ച് രാഷ്ട്രീയ ലക്ഷ്യത്തോടെയാണ് വിവരശേഖരണം നടത്തുന്നതെന്ന് ആരോപിച്ച് കെ.എസ്.യു നേതാക്കളാണ് ഹൈക്കോടതിയെ സമീപിച്ചത്. ഇതേത്തുടർന്നായിരുന്നു സർവേ തടഞ്ഞുകൊണ്ട് ഹൈക്കോടതി ഉത്തരവിട്ടത്.
സംസ്ഥാന സർക്കാരിന് വേണ്ടി മുതിർന്ന അഭിഭാഷകൻ കപിൽ സിബൽ ഹാജരായി. കേസിൽ എതിർകക്ഷികൾക്ക് സുപ്രീം കോടതി നോട്ടീസ് അയച്ചിട്ടുണ്ട്. കോടതി വെബ്സൈറ്റ് പ്രകാരം കേസ് ഇനി ഏപ്രിൽ 13-ന് വീണ്ടും പരിഗണിക്കും.
