തിരുവനന്തപുരം: ആറ്റുകാൽ പൊങ്കാല പ്രമാണിച്ച് ദക്ഷിണ റെയിൽവേ പ്രത്യേക യാത്രാ ക്രമീകരണങ്ങൾ ഏർപ്പെടുത്തി (Attukal Pongala 2026 Train Timings). തിരക്ക് നിയന്ത്രിക്കുന്നതിനായി വിവിധ എക്സ്പ്രസ്സ് ട്രെയിനുകൾക്ക് താൽക്കാലിക സ്റ്റോപ്പുകൾ അനുവദിച്ചതിനൊപ്പം പ്ലാറ്റ്ഫോം ക്രമീകരണങ്ങളിലും മാറ്റം വരുത്തിയിട്ടുണ്ട്.
പ്രധാന സ്റ്റോപ്പുകൾ (മാർച്ച് 3-ന്):
പേട്ട സ്റ്റോപ്പ്: കണ്ണൂർ – തിരുവനന്തപുരം ജനശതാബ്ദി (12081), മംഗളൂരു – തിരുവനന്തപുരം വന്ദേഭാരത് (20631) എന്നിവയ്ക്ക് പേട്ടയിൽ സ്റ്റോപ്പ് അനുവദിച്ചു.
കഴക്കൂട്ടം & ചിറയിൻകീഴ്: തിരുവനന്തപുരം – ചെന്നൈ സെൻട്രൽ സൂപ്പർഫാസ്റ്റ് (12624) പകൽ 3.14-ന് കഴക്കൂട്ടത്തും 3.26-ന് ചിറയിൻകീഴിലും നിർത്തും.
മറ്റ് സ്റ്റോപ്പുകൾ: * അമൃത എക്സ്പ്രസ് (16344): മാർച്ച് 2-ന് പുലർച്ചെ 3.25-ന് ചിറയിൻകീഴിൽ.
മധുര – പുനലൂർ എക്സ്പ്രസ്: മാർച്ച് 2-ന് പള്ളിയാടിയിലും ബാലരാമപുരത്തും.
ഗുരുവായൂർ – ചെന്നൈ എഗ്മോർ എക്സ്പ്രസ്: തുറവൂരും മാരാരിക്കുളത്തും.
പ്ലാറ്റ്ഫോം ക്രമീകരണങ്ങൾ:
തിരുവനന്തപുരം സെൻട്രൽ സ്റ്റേഷനിൽ തിരക്ക് ഒഴിവാക്കാൻ പ്ലാറ്റ്ഫോമുകൾ തിരിച്ചു നൽകിയിട്ടുണ്ട്:
പ്ലാറ്റ്ഫോം 1 മുതൽ 4 വരെ: കൊല്ലം ഭാഗത്തേക്കുള്ള ട്രെയിനുകൾ.
പ്ലാറ്റ്ഫോം 5: നാഗർകോവിൽ ഭാഗത്തേക്കുള്ള ട്രെയിനുകൾ.
ടിക്കറ്റ് കൗണ്ടറുകൾ:
ടിക്കറ്റ് ബുക്കിംഗ് വേഗത്തിലാക്കാൻ റെയിൽവേ സ്റ്റേഷനുകളിൽ അധിക കൗണ്ടറുകൾ തുറക്കും. ഡിജിറ്റൽ പേയ്മെന്റുകൾക്കായി ക്യുആർ കോഡ് സൗകര്യങ്ങളും കൂടുതൽ സ്റ്റേഷനുകളിൽ ലഭ്യമാക്കും. ഹസ്രത്ത് നിസാമുദ്ദീൻ എക്സ്പ്രസ്, നാഗർകോവിൽ പാസഞ്ചർ എന്നിവ നിശ്ചയിച്ച സമയത്തേക്കാൾ വൈകി മാത്രമേ സർവീസ് ആരംഭിക്കൂ എന്നും അധികൃതർ അറിയിച്ചു.
