കീവ്: ദക്ഷിണ യുക്രെയ്നിലെ ഒഡേസ മേഖലയിൽ റഷ്യ നടത്തിയ വ്യോമാക്രമണത്തിൽ തുറമുഖങ്ങൾക്കും ഊർജ്ജ നിലയങ്ങൾക്കും കനത്ത നാശനഷ്ടം (Russian Attack Odesa Energy Port). കരിങ്കടൽ തീരത്തെ വ്യവസായ ശാലകളെ ലക്ഷ്യം വെച്ച് ചൊവ്വാഴ്ച പുലർച്ചെയാണ് ആക്രമണമുണ്ടായതെന്ന് പ്രാദേശിക ഗവർണർ ഒലെ കിപ്പർ അറിയിച്ചു. ആക്രമണത്തെത്തുടർന്ന് മേഖലയിലെ പലയിടങ്ങളിലും വൈദ്യുതി വിതരണം തടസ്സപ്പെട്ടു.
ഡാന്യൂബ് നദിക്ക് തീരത്തുള്ള യുക്രെയ്നിലെ ഏറ്റവും വലിയ തുറമുഖമായ ഇസ്മായിലിന് നേരെ റഷ്യൻ ഡ്രോണുകൾ വൻതോതിൽ ആക്രമണം നടത്തിയതായി നഗര മേയർ വ്യക്തമാക്കി. നിരവധി പാർപ്പിട സമുച്ചയങ്ങൾക്കും അടിസ്ഥാന സൗകര്യങ്ങൾക്കും കേടുപാടുകൾ സംഭവിച്ചിട്ടുണ്ട്. എന്നാൽ ആക്രമണത്തിൽ ആർക്കും പരിക്കേറ്റതായി റിപ്പോർട്ടില്ല. തകരാറിലായ ഊർജ്ജ നിലയങ്ങൾക്ക് പകരമായി ബാക്കപ്പ് സംവിധാനങ്ങൾ വഴി വൈദ്യുതി പുനഃസ്ഥാപിക്കാനുള്ള ശ്രമങ്ങൾ നടക്കുകയാണെന്നും അധികൃതർ അറിയിച്ചു.
യുക്രെയ്നിലെ ഇസ്മായിൽ തുറമുഖത്തിന് തൊട്ടടുത്ത് കിടക്കുന്ന നാറ്റോ അംഗരാജ്യമായ റൊമാനിയയിലും ആക്രമണത്തിന്റെ അലയൊലികൾ ഉണ്ടായിട്ടുണ്ട്. ഡ്രോണുകളുടെ അവശിഷ്ടങ്ങൾ അതിർത്തി ഗ്രാമമായ പ്ലൗരുവിൽ വീണോ എന്ന് റൊമാനിയൻ പ്രതിരോധ മന്ത്രാലയം പരിശോധിച്ചു വരികയാണ്. ഇതോടെ യുദ്ധം അയൽരാജ്യങ്ങളിലേക്കും വ്യാപിക്കുമോ എന്ന ആശങ്ക വീണ്ടും ശക്തമായിട്ടുണ്ട്.
Summary
A Russian overnight attack has damaged port, energy, and industrial infrastructure in Ukraine’s Odesa region, leading to power disruptions. The mayor of Izmail reported a “massive” drone strike on the key Danube port, affecting residential buildings as well. Meanwhile, neighboring Romania is investigating reports of drone fragments falling on its territory following the strikes. No casualties have been reported so far, and emergency teams are working to restore essential services using backup power.
