പ്യോങ്യാങ്: ആഗോളതലത്തിൽ യുദ്ധസാഹചര്യങ്ങൾ നിലനിൽക്കെ, സ്വന്തം നാവികസേനയെ അത്യാധുനികവൽക്കരിക്കാനുള്ള നടപടികളുമായി ഉത്തരകൊറിയ. രാജ്യത്തെ പുതിയ ‘ചോ ഹ്യോൺ-ക്ലാസ്’ (Cho Hyon-class) ഡിസ്ട്രോയർ യുദ്ധക്കപ്പലുകൾ കിം ജോങ് ഉൻ നേരിട്ടെത്തി സന്ദർശിക്കുകയും മിസൈൽ പരീക്ഷണങ്ങൾക്ക് മേൽനോട്ടം വഹിക്കുകയും ചെയ്തു.(North Korea to boost naval power, Kim Jong Un visits new warship )
5,000 ടൺ ഭാരമുള്ള ‘ചോ ഹ്യോൺ’ എന്ന ഡിസ്ട്രോയർ കപ്പലാണ് കിം സന്ദർശിച്ചത്. ഈ വിഭാഗത്തിൽ ഉത്തരകൊറിയ നിർമ്മിക്കുന്ന ആദ്യ കപ്പലാണിത്. കപ്പലിൽ നിന്ന് വിക്ഷേപിക്കാവുന്ന സ്ട്രാറ്റജിക് ക്രൂയിസ് മിസൈലിന്റെ പരീക്ഷണത്തിനും അദ്ദേഹം സാക്ഷിയായി. പസഫിക് സമുദ്രത്തിൽ രാജ്യത്തിന്റെ സ്വാധീനം വർദ്ധിപ്പിക്കുക. അമേരിക്കയും സഖ്യകക്ഷികളും പ്രകോപനം തുടരുകയാണെന്നും അതിനെ നേരിടാൻ നാവികസേന സജ്ജമാണെന്നും കിം പ്രഖ്യാപിച്ചു.
ദേശീയ തന്ത്രത്തിന്റെ ഭാഗമായി ഒൻപതാം പാർട്ടി കോൺഗ്രസിൽ തീരുമാനിച്ച പ്രകാരം, എല്ലാ വർഷവും രണ്ട് പുതിയ യുദ്ധക്കപ്പലുകൾ വീതം നിർമ്മിക്കാനാണ് ഉത്തരകൊറിയയുടെ പദ്ധതി. ഈ ക്ലാസിലെ മൂന്നാമത്തെ കപ്പലിന്റെ നിർമ്മാണത്തെക്കുറിച്ചും കിം ഉദ്യോഗസ്ഥരുമായി ചർച്ച നടത്തി. 2025 മെയ് മാസത്തിൽ ചോ ഹ്യോൺ ക്ലാസിലെ രണ്ടാമത്തെ കപ്പലിന്റെ വിക്ഷേപണം പരാജയപ്പെട്ടിരുന്നു.
