ന്യൂയോർക്ക്: ഖാലിസ്ഥാനി വിഘടനവാദി നേതാവ് ഗുർപത്വന്ത് സിംഗ് പന്നൂനെ വധിക്കാൻ ഗൂഢാലോചന നടത്തിയ കേസിൽ പ്രതിയായ നിഖിൽ ഗുപ്ത അമേരിക്കൻ കോടതിയിൽ കുറ്റം സമ്മതിച്ചു (Nikhil Gupta Plea US Court). കൊലപാതകത്തിനായുള്ള വാടക ഗൂഢാലോചന, കള്ളപ്പണം വെളുപ്പിക്കൽ എന്നീ കുറ്റങ്ങളാണ് 54-കാരനായ നിഖിൽ ഗുപ്ത സമ്മതിച്ചത്. ഇന്ത്യൻ സർക്കാർ ഉദ്യോഗസ്ഥന്റെ നിർദ്ദേശപ്രകാരമാണ് കൊലപാതകത്തിന് പദ്ധതിയിട്ടതെന്നായിരുന്നു പ്രോസിക്യൂഷൻ ആരോപണം.
ചെക്ക് റിപ്പബ്ലിക്കിൽ നിന്ന് പിടിയിലായ നിഖിൽ ഗുപ്തയെ പിന്നീട് അമേരിക്കയ്ക്ക് കൈമാറുകയായിരുന്നു. അമേരിക്കൻ പൗരന്റെ അഭിപ്രായ സ്വാതന്ത്ര്യത്തിന് നേരെ വിദേശത്ത് ഇരുന്ന് ആക്രമണം നടത്താൻ ശ്രമിച്ചാൽ ശക്തമായ നിയമനടപടികൾ നേരിടേണ്ടി വരുമെന്ന് അമേരിക്കൻ അറ്റോർണി ജയ് ക്ലേയ്റ്റൺ മുന്നറിയിപ്പ് നൽകി. എന്നാൽ ഇത്തരം ഗൂഢാലോചനകളിൽ പങ്കില്ലെന്നും ഇത് സർക്കാരിന്റെ നയമല്ലെന്നുമാണ് ഇന്ത്യ ആവർത്തിച്ചു വ്യക്തമാക്കുന്നത്.
Summary: Accused Nikhil Gupta has officially pleaded guilty in a US federal court for his involvement in the failed plot to assassinate Gurpatwant Singh Pannun.
