ടെൽ അവീവ്: ഇസ്രായേൽ പ്രധാനമന്ത്രി ബിന്യമിൻ നെതന്യാഹു ഇറാൻ ആക്രമണത്തിൽ കൊല്ലപ്പെട്ടെന്ന രീതിയിൽ പ്രചരിക്കുന്ന വാർത്തകൾ നിഷേധിച്ച് ഇസ്രായേൽ പ്രധാനമന്ത്രിയുടെ ഓഫീസ് (Benjamin Netanyahu safe). പ്രധാനമന്ത്രി സുഖമായിരിക്കുന്നുവെന്നും സാമൂഹിക മാധ്യമങ്ങളിലൂടെ പ്രചരിക്കുന്നത് വെറും ഊഹാപോഹങ്ങൾ മാത്രമാണെന്നും ഔദ്യോഗിക പ്രസ്താവനയിൽ വ്യക്തമാക്കി.
നെതന്യാഹു പങ്കുവെച്ച വീഡിയോയിൽ അദ്ദേഹത്തിന് ആറ് വിരലുകൾ കാണപ്പെട്ടത് വലിയ വിവാദമായിരുന്നു. വീഡിയോ എഐ നിർമ്മിതമാണെന്നും നെതന്യാഹുവിൻ്റെ മരണം മറച്ചുവെക്കാൻ ശ്രമിക്കുകയാണെന്നും ഒരു വിഭാഗം ആരോപിച്ചിരുന്നു. എന്നാൽ എക്സിലെ (X) എഐ ചാറ്റ്ബോട്ടായ ‘ഗ്രോക്ക്’ ഈ കിംവദന്തികൾ തള്ളിക്കളഞ്ഞു. വീഡിയോയിൽ കാണുന്ന അധിക വിരൽ ദൃശ്യഭ്രമം (Visual Illusion) മാത്രമാണെന്നും വീഡിയോയിൽ മാറ്റം വരുത്തിയതിന് തെളിവില്ലെന്നും ഗ്രോക്ക് വിശദീകരിച്ചു.
സ്നോപ്സ്, ടൈംസ് ഓഫ് ഇസ്രായേൽ തുടങ്ങിയ ആധികാരിക മാധ്യമങ്ങൾ നെതന്യാഹുവിൻ്റെ മരണവാർത്ത വ്യാജമാണെന്ന് സ്ഥിരീകരിച്ചതായി ഗ്രോക്ക് ചൂണ്ടിക്കാട്ടി.പ്രധാനമന്ത്രിയുടെ ഓഫീസ് ഒരു പോസ്റ്റ് ഇട്ട ശേഷം നീക്കം ചെയ്തു എന്ന തരത്തിൽ പ്രചരിക്കുന്ന സ്ക്രീൻഷോട്ടുകൾ വ്യാജമാണെന്നും അത്തരം ഒരു പ്രസ്താവനയും ഔദ്യോഗിക അക്കൗണ്ടിൽ വന്നിട്ടില്ലെന്നും എഐ ചാറ്റ്ബോട്ട് വ്യക്തമാക്കി.
പ്രധാനമന്ത്രിയുടെ എക്സ് പ്രൊഫൈലിലെ ഏറ്റവും പുതിയ പോസ്റ്റ് നാഷണൽ സെക്യൂരിറ്റി കൗൺസിലിൻ്റെ അറിയിപ്പാണെന്നും ഗ്രോക്ക് കൂട്ടിച്ചേർത്തു.
ഇറാൻ മാധ്യമങ്ങളും സോഷ്യൽ മീഡിയയും വഴി പടരുന്ന തെറ്റായ വാർത്തകളിൽ വീഴരുതെന്നും ഔദ്യോഗിക വിവരങ്ങളെ മാത്രം ആശ്രയിക്കണമെന്നും ഇസ്രായേൽ അറിയിച്ചു.
Story Summary:
The Israeli Prime Minister’s Office has dismissed rumors regarding Benjamin Netanyahu’s death as fake news, confirming he is safe. Rumors intensified after a video appeared to show him with six fingers, leading to claims of it being AI-generated. However, the X AI chatbot Grok clarified that the extra finger was a visual illusion. Grok also debunked fake screenshots claiming the PM’s office deleted posts about his status, urging the public to rely on official sources.
