മെൻലോ പാർക്ക്: ആർട്ടിഫിഷ്യൽ ഇന്റലിജൻസിനെ മനുഷ്യ ബുദ്ധിയേക്കാൾ ഉയരത്തിൽ എത്തിക്കാനുള്ള പരീക്ഷണങ്ങളിൽ നിർണ്ണായക ചുവടുവെയ്പ്പുമായി മെറ്റ (Meta TRIBE v2 Brain Encoder). മനുഷ്യ മസ്തിഷ്കം കാഴ്ചയോടും ശബ്ദത്തോടും ഭാഷയോടും എങ്ങനെ പ്രതികരിക്കുന്നു എന്ന് കൃത്യമായി പ്രവചിക്കാൻ കഴിയുന്ന TRIBE v2 എന്ന ട്രൈമോഡൽ ബ്രെയിൻ എൻകോഡർ മെറ്റ പുറത്തിറക്കി. ന്യൂറോ സയൻസും എഐയും തമ്മിലുള്ള അകലം കുറയ്ക്കുന്ന ഒരു ഫൗണ്ടേഷൻ മോഡലാണിത്.
എന്താണ് TRIBE v2?
മനുഷ്യൻ ഒരു കാര്യം കാണുമ്പോഴോ കേൾക്കുമ്പോഴോ വായിക്കുമ്പോഴോ തലച്ചോറിലുണ്ടാകുന്ന മാറ്റങ്ങളെ ഒരു ‘ഡിജിറ്റൽ കണ്ണാടി’ പോലെ പ്രതിഫലിപ്പിക്കാൻ ഈ മോഡലിന് സാധിക്കും. ഇത് പ്രധാനമായും മൂന്ന് ഘട്ടങ്ങളിലൂടെയാണ് പ്രവർത്തിക്കുന്നത്:
ശബ്ദം, ദൃശ്യം, വാചകം എന്നിവയെ കമ്പ്യൂട്ടറിന് വിശകലനം ചെയ്യാൻ കഴിയുന്ന സംഖ്യകളാക്കി (Numeric Data) മാറ്റുന്നു.വിവരങ്ങൾ പ്രോസസ്സ് ചെയ്യുന്നതിൽ മനുഷ്യർക്കിടയിലുള്ള പൊതുവായ പാറ്റേണുകൾ ഈ ഘട്ടത്തിൽ തിരിച്ചറിയുന്നു.ഒരു പ്രത്യേക സാഹചര്യത്തിൽ തലച്ചോറിന്റെ ഏതൊക്കെ ഭാഗങ്ങൾ സജീവമാകുമെന്ന് ഈ മോഡൽ മുൻകൂട്ടി പ്രവചിക്കുകയും അവയെ യഥാർത്ഥ മസ്തിഷ്ക പ്രവർത്തനങ്ങളുമായി ബന്ധിപ്പിക്കുകയും ചെയ്യുന്നു.
സൂപ്പർ ഇന്റലിജൻസിലേക്കുള്ള വഴി
മനുഷ്യ ബുദ്ധിയെ മറികടക്കുകയും ഭൗതിക ലോകത്തോട് മനുഷ്യനെപ്പോലെ തന്നെ പ്രതികരിക്കുകയും ചെയ്യുന്ന എഐയുടെ ഉയർന്ന ഘട്ടമാണ് സൂപ്പർ ഇന്റലിജൻസ്. TRIBE v2 വരുന്നതോടെ എഐക്ക് മനുഷ്യന്റെ വികാരങ്ങളും പ്രതികരണങ്ങളും കൂടുതൽ ആഴത്തിൽ മനസ്സിലാക്കാൻ സാധിക്കും. ഇത് ന്യൂറോ സയന്റിസ്റ്റുകൾക്ക് മനുഷ്യ മസ്തിഷ്കത്തെക്കുറിച്ച് കൂടുതൽ പഠനങ്ങൾ നടത്താനും ഭാവിയിൽ കൂടുതൽ കൃത്യതയുള്ള എഐ സിസ്റ്റങ്ങൾ വികസിപ്പിക്കാനും സഹായകമാകും.
Short Story Summary:
Meta has introduced TRIBE v2, a Trimodal Brain Encoder that acts as a digital mirror of human brain activity. It predicts how the brain responds to sight, sound, and language by converting inputs into numerical data and identifying common processing patterns. This foundation model bridges the gap between AI and neuroscience, moving Meta closer to achieving ‘Super Intelligence’—AI that surpasses human cognitive abilities.
