ലണ്ടൻ: ബ്രിട്ടനിലെ മെറ്റ് ഓഫീസ് കൊടുങ്കാറ്റുകൾക്ക് പേരിടാൻ പൊതുജനങ്ങളിൽ നിന്ന് നിർദ്ദേശങ്ങൾ സ്വീകരിച്ചപ്പോൾ ലഭിച്ചത് വിചിത്രവും തമാശ നിറഞ്ഞതുമായ പേരുകൾ ( Met Office Storm Names Elon Gust). പ്രശസ്ത വ്യവസായി ഇലോൺ മസ്കിന്റെ പേരിനോട് സാമ്യമുള്ള ‘ഇലോൺ ഗസ്റ്റ്’ (Elon Gust), പ്രശസ്ത നടി ഡെയിം ജൂഡി ഡെഞ്ചിനെ ഓർമ്മിപ്പിക്കുന്ന ‘ഡെയിം ജൂഡി ഡ്രെഞ്ച്’ (Dame Judi Drench) എന്നിവ ഇതിൽ പ്രധാനമാണ്.
വിവരവകാശ നിയമപ്രകാരം പുറത്തുവിട്ട രേഖകളിലാണ് ഈ കൗതുകകരമായ പേരുകളുള്ളത്. ബ്രിട്ടീഷ് പ്രധാനമന്ത്രി കീർ സ്റ്റാമറെ പരിഹസിക്കുന്ന ‘കീർ സ്റ്റോർമർ’ (Keir Stormer), ഗായകൻ സ്റ്റോംസിയെ സൂചിപ്പിക്കുന്ന ‘സ്റ്റോംസി’ (Stormzy), ‘ഡേവിഡ് ബ്ലോയി’ (David Blowy), ‘ഫിഫ്റ്റി ഷേഡ്സ് ഓഫ് റെയിൻ’ (Fifty Shades of Rain) തുടങ്ങിയ പേരുകളും പട്ടികയിലുണ്ട്. 2015 മുതലാണ് പൊതുജനങ്ങൾക്ക് പേര് നിർദ്ദേശിക്കാനുള്ള അവസരം മെറ്റ് ഓഫീസ് നൽകിത്തുടങ്ങിയത്.
എന്നാൽ ഇത്തരം തമാശപ്പേരുകൾ കൊടുങ്കാറ്റുകൾക്ക് നൽകാൻ കഴിയില്ലെന്ന് മെറ്റ് ഓഫീസ് വ്യക്തമാക്കി. കൊടുങ്കാറ്റുകൾക്ക് പേരിടുന്നത് ജനങ്ങളുടെ സുരക്ഷ ഉറപ്പാക്കാനും മുന്നറിയിപ്പുകൾ ഗൗരവത്തോടെ കാണാനുമാണ്. അതിനാൽ ഔദ്യോഗിക പട്ടികയിൽ ലളിതമായ പേരുകളാണ് ഉൾപ്പെടുത്തിയിരിക്കുന്നത്. 2025/26 സീസണിലേക്ക് വേണ്ടി 50,000-ത്തിലധികം നിർദ്ദേശങ്ങളാണ് ലഭിച്ചത്. ഇതിൽ നിന്ന് ആമി, ബ്രാം, ചന്ദ്ര, ഡേവ്, എഡ്ഡി തുടങ്ങിയ 20-ഓളം പേരുകൾ മാത്രമാണ് തിരഞ്ഞെടുത്തത്. ജനുവരി അവസാനം വീശിയ ‘ചന്ദ്ര’ എന്ന കൊടുങ്കാറ്റാണ് പട്ടികയിൽ നിന്ന് അവസാനം ഉപയോഗിച്ചത്. ഇനി വരാനിരിക്കുന്ന കൊടുങ്കാറ്റിന്റെ പേര് ‘ഡേവ്’ എന്നായിരിക്കും.
Summary: The UK Met Office has revealed a list of humorous storm names suggested by the public, including “Elon Gust,” “Dame Judi Drench,” and “Keir Stormer.”
