ന്യൂഡൽഹി: ഇന്ത്യ തേടുന്ന കൊടുംഭീകരൻ മൗലാന മസൂദ് അസറിന്റെ സഹോദരൻ മുഹമ്മദ് താഹിർ അൻവർ പാക്കിസ്ഥാനിൽ വച്ച് മരണപ്പെട്ടതായി റിപ്പോർട്ട് (Masood Azhar Brother Dies). മസൂദ് അസറിന്റെ അഞ്ച് സഹോദരന്മാരിൽ ഒരാളാണ് മരിച്ച മുഹമ്മദ് താഹിർ അൻവർ. ജെയ്ഷെ മുഹമ്മദിന്റെ പ്രവർത്തനങ്ങളിൽ നിർണായക പങ്കുവഹിച്ചിരുന്ന ഇയാളുടെ മരണം സംഘടനയ്ക്ക് വലിയ തിരിച്ചടിയാണെന്നാണ് വിലയിരുത്തപ്പെടുന്നത്.
പാക്കിസ്ഥാനിലെ ബഹാവൽപുരിലാണ് മരണം സംഭവിച്ചത്. സംഘടനയുടെ പ്രധാന കേന്ദ്രങ്ങളിലൊന്നായ ജാമിയ മസ്ജിദ് ഉസ്മാൻ വാലിയിൽ ഖബറടക്കം നടക്കും എന്നും അന്താരാഷ്ട മാധ്യമങ്ങൾ റിപ്പോർട്ട് ചെയ്യുന്നു.കഴിഞ്ഞ വർഷം ഇന്ത്യ നടത്തിയ ‘ഓപ്പറേഷൻ സിന്ദൂർ’ വ്യോമാക്രമണത്തിൽ തന്റെ കുടുംബത്തിലെ പത്തോളം അംഗങ്ങൾ കൊല്ലപ്പെട്ടതായി മസൂദ് അസർ നേരത്തെ അവകാശപ്പെട്ടിരുന്നു. സഹോദരിയും ഭർത്താവും കുട്ടികളും ഉൾപ്പെടെയുള്ളവർ അന്ന് കൊല്ലപ്പെട്ടവരിൽ ഉൾപ്പെടുന്നു. പഹൽഗാം ഭീകരാക്രമണത്തിന് തിരിച്ചടിയായാണ് ഇന്ത്യ ബഹാവൽപുരിലെ ജെയ്ഷെ ആസ്ഥാനത്തിന് നേരെ ആക്രമണം നടത്തിയത്.
1994-ൽ ഇന്ത്യയിൽ പിടിയിലായ മസൂദ് അസറിനെ 1999-ലെ കാണ്ഡഹാർ വിമാനം റാഞ്ചലിനെത്തുടർന്നാണ് ഇന്ത്യക്ക് മോചിപ്പിക്കേണ്ടി വന്നത്. തുടർന്ന് പാർലമെന്റ് ആക്രമണം (2001), മുംബൈ ആക്രമണം (2008), പത്താൻകോട്ട് (2016), പുൽവാമ (2019) തുടങ്ങി ഇന്ത്യയിലെ പ്രമുഖ ഭീകരാക്രമണങ്ങളുടെ സൂത്രധാരനായി ഇയാൾ മാറി.
യുഎൻ രാജ്യാന്തര ഭീകരനായി പ്രഖ്യാപിച്ച മസൂദ് അസറിന്റെ കുടുംബാംഗങ്ങൾ ഓരോരുത്തരായി ദുരൂഹസാഹചര്യത്തിൽ കൊല്ലപ്പെടുകയോ മരിക്കുകയോ ചെയ്യുന്നത് പാക്കിസ്ഥാനിലെ ഭീകരസംഘടനകൾക്കിടയിൽ വലിയ പരിഭ്രാന്തി സൃഷ്ടിച്ചിട്ടുണ്ട്.
Short Story Summary:
Muhammad Tahir Anwar, the elder brother of Jaish-e-Mohammed (JeM) chief Maulana Masood Azhar, died under mysterious circumstances in Bahawalpur, Pakistan. Anwar was a key figure in the terrorist organization’s operations. His death follows Masood Azhar’s claims last year that 10 family members were killed in India’s ‘Operation Sindoor’ airstrike targeting JeM headquarters. Anwar’s funeral is scheduled to be held at Jamia Masjid Usman Wali.
