കാഠ്മണ്ഡു: നേപ്പാളിൽ നാടകീയമായ രാഷ്ട്രീയ നീക്കങ്ങൾക്കൊടുവിൽ മുൻ പ്രധാനമന്ത്രി കെ.പി. ശർമ ഒലിയെ പോലീസ് അറസ്റ്റ് ചെയ്തു (K.P. Sharma Oli Arrest News 2026). ജെൻ സി (Gen Z) പ്രക്ഷോഭങ്ങൾ അടിച്ചമർത്തുന്നതിൽ വീഴ്ച വരുത്തിയെന്ന കണ്ടെത്തലിനെത്തുടർന്നാണ് നടപടി. ശർമ ഒലിക്കൊപ്പം മുൻ ആഭ്യന്തര മന്ത്രി രമേഷ് ലേഖക്കിനെയും പോലീസ് കസ്റ്റഡിയിലെടുത്തിട്ടുണ്ട്.
നേപ്പാളിന്റെ പുതിയ പ്രധാനമന്ത്രിയായി ബാലേന്ദ്ര ഷാ ചുമതലയേറ്റതിന് തൊട്ടുപിന്നാലെയാണ് നടപടി ഉണ്ടായത്. ഭക്തപൂരിലെ ഗുണ്ടുവിലുള്ള വസതിയിൽ നിന്നാണ് ശർമ ഒലിയെ കസ്റ്റഡിയിലെടുത്തത്. നിയമപ്രകാരമുള്ള നടപടികൾ തുടരുമെന്ന് കാഠ്മണ്ഡു വാലി പോലീസ് വക്താവ് ഓം അധികാരി വ്യക്തമാക്കി. ആരും നിയമത്തിന് അതീതരല്ലെന്ന് നേപ്പാൾ ആഭ്യന്തര മന്ത്രി സുഡാൻ ഗുരുംഗ് എക്സിൽ (X) കുറിച്ചു.
കഴിഞ്ഞ വർഷം നേപ്പാളിൽ നടന്ന ജെൻ സി പ്രക്ഷോഭം വലിയ തോതിലുള്ള അക്രമങ്ങൾക്കാണ് സാക്ഷ്യം വഹിച്ചത്. പ്രക്ഷോഭത്തിനിടെ 19 യുവാക്കൾ ഉൾപ്പെടെ 70-ലധികം ആളുകൾ കൊല്ലപ്പെട്ടിരുന്നു. വ്യാപകമായ അഴിമതി, സർക്കാർ ഓഫീസുകളിലെ അനാവശ്യമായ കാലതാമസം, സോഷ്യൽ മീഡിയ പ്ലാറ്റ്ഫോമുകളായ ഫേസ്ബുക്ക്, ഇൻസ്റ്റാഗ്രാം, വാട്ട്സ്ആപ്പ് എന്നിവയ്ക്ക് ഏർപ്പെടുത്തിയ നിരോധനം എന്നിവയ്ക്കെതിരെയാണ് യുവാക്കൾ തെരുവിലിറങ്ങിയത്.
പ്രക്ഷോഭം കടുത്തതോടെ ശർമ ഒലി സർക്കാർ രാജിവെക്കുകയും സുശീല കർക്കിയുടെ നേതൃത്വത്തിലുള്ള ഇടക്കാല സർക്കാർ അധികാരമേൽക്കുകയും ചെയ്തിരുന്നു.
തന്റെ അറസ്റ്റ് രാഷ്ട്രീയ പ്രതികാരമാണെന്നും ഇതിനെതിരെ നിയമപോരാട്ടം നടത്തുമെന്നും ശർമ ഒലി മാധ്യമങ്ങളോട് പറഞ്ഞു. എന്നാൽ ഇത് പ്രതികാരമല്ലെന്നും നീതിയുടെ തുടക്കം മാത്രമാണെന്നുമാണ് സർക്കാർ പക്ഷത്തിന്റെ വിശദീകരണം.
Short Story Summary:
Former Nepal PM K.P. Sharma Oli and ex-Home Minister Ramesh Lekhak have been arrested for their failure to manage the Gen Z protests, which resulted in over 70 deaths. The arrests followed Balendra Shah’s appointment as PM. Current Home Minister Sudan Gurung stated that the move marks a “beginning of justice.” Oli has dismissed the arrest as a political vendetta.
