തെൽ അവീവ്: ദക്ഷിണ ഇസ്രായേലിലെ ഡിമോന, അറാദ് നഗരങ്ങളിൽ ശനിയാഴ്ച ഇറാൻ നടത്തിയ മിസൈൽ ആക്രമണത്തിൽ ഇരുന്നൂറിലധികം പേർക്ക് പരിക്കേറ്റു (Iran Missile Attack Israel). ഇതിൽ 11 പേരുടെ നില അതീവ ഗുരുതരമാണെന്നാണ് റിപ്പോർട്ട്. ഇസ്രായേലിന്റെ അതിശക്തമായ വ്യോമ പ്രതിരോധ സംവിധാനങ്ങളെ (Iron Dome/Arrow) മറികടന്നാണ് മിസൈലുകൾ ലക്ഷ്യസ്ഥാനങ്ങളിൽ പതിച്ചതെന്ന് ഇസ്രായേൽ പ്രതിരോധ സേന (IDF) സ്ഥിരീകരിച്ചു.
ഇസ്രായേലിന്റെ പ്രധാന ആണവ ഗവേഷണ കേന്ദ്രമായ ഷിമോൺ പെരസ് നെഗേവ് (Shimon Peres Negev) ലക്ഷ്യമിട്ടാണ് ആക്രമണം നടത്തിയതെന്ന് ഇറാൻ അവകാശപ്പെട്ടു. ശനിയാഴ്ച രാവിലെ ഇറാന്റെ നതാൻസ് യുറേനിയം സമ്പുഷ്ടീകരണ കേന്ദ്രത്തിന് നേരെയുണ്ടായ ആക്രമണത്തിന് പകരമായാണ് ഈ നടപടിയെന്ന് ടെഹ്റാൻ വ്യക്തമാക്കി.
അറാദ് നഗരത്തിലെ ഫ്ലാറ്റുകൾക്ക് മുകളിലാണ് വൻതോതിൽ സ്ഫോടകവസ്തുക്കൾ നിറച്ച ബാലിസ്റ്റിക് മിസൈൽ പതിച്ചത്. സ്ഫോടനത്തെ തുടർന്ന് കെട്ടിടങ്ങൾക്ക് തീപിടിക്കുകയും നിരവധി വാഹനങ്ങളും ആസ്തികളും നശിക്കുകയും ചെയ്തു.ആക്രമണത്തിന് തൊട്ടുപിന്നാലെ ടെഹ്റാനിലെ തന്ത്രപ്രധാനമായ അടിസ്ഥാന സൗകര്യങ്ങൾ ലക്ഷ്യമിട്ട് ഇസ്രായേൽ വ്യോമാക്രമണം നടത്തിയതായി റിപ്പോർട്ടുകളുണ്ട്. എന്നാൽ ഇസ്രായേൽ ഇത് ഔദ്യോഗികമായി സ്ഥിരീകരിച്ചിട്ടില്ല.
അമേരിക്കയുടെ എഫ്-15 യുദ്ധവിമാനം ഇറാൻ തകർത്തതായും സൗദിയിൽ ഇന്ത്യൻ പൗരൻ മിസൈൽ അവശിഷ്ടങ്ങൾ വീണു മരിച്ചതായും ഉള്ള വാർത്തകൾക്ക് പിന്നാലെ ഈ ആക്രമണം കൂടി ഉണ്ടായത് ലോകത്തെ മൂന്നാം ലോകമഹായുദ്ധത്തിന്റെ വക്കിലെത്തിച്ചിരിക്കുകയാണ്. ഇന്ത്യ ഉൾപ്പെടെയുള്ള രാജ്യങ്ങൾ തങ്ങളുടെ പൗരന്മാരോട് അതീവ ജാഗ്രത പാലിക്കാൻ നിർദ്ദേശിച്ചിട്ടുണ്ട്.
Story Summary:
Iran launched a massive ballistic missile attack on southern Israel’s Dimona and Arad cities on Saturday, injuring over 200 people, with 11 in critical condition. The IDF confirmed that missiles bypassed their air defenses. Iran claimed the strike targeted the Shimon Peres Negev Nuclear Research Center in retaliation for an earlier attack on its Natanz uranium enrichment site. In response, Israel reportedly carried out airstrikes targeting infrastructure in Tehran, further escalating the Middle East conflict.
