ന്യൂഡൽഹി: അന്താരാഷ്ട്ര കപ്പൽ ചാനലായ ഹോർമുസ് (Indian LPG Ships) കടലിടുക്കിലൂടെ (Strait of Hormuz) രണ്ട് ഇന്ത്യൻ എൽപിജി ടാങ്കറുകൾ കൂടി സുരക്ഷിതമായി കടന്നു. ഇന്ത്യൻ പതാകയുള്ള ബിഡബ്ല്യു ടൈർ (BW Tyr), ബിഡബ്ല്യു എൽമ (BW Elma) എന്നീ കപ്പലുകളാണ് ഹോർമുസ് പിന്നിട്ട് ഒമാൻ ഉൾക്കടലിലേക്ക് നീങ്ങുന്നത്. ഷിപ്പിംഗ് ഏജൻസികളിൽ നിന്നുള്ള ട്രാക്കിംഗ് വിവരങ്ങളാണ് ഇത് സ്ഥിരീകരിച്ചത്.
ഇന്ത്യ ഉൾപ്പെടെ അഞ്ച് രാജ്യങ്ങളെ ‘സൗഹൃദ രാജ്യങ്ങൾ’ ആയി പ്രഖ്യാപിച്ച ഇറാൻ, ഈ രാജ്യങ്ങളുടെ കപ്പലുകൾ തടയുകയോ ആക്രമിക്കുകയോ ചെയ്യില്ലെന്ന് നേരത്തെ വ്യക്തമാക്കിയിരുന്നു. ഇതിന്റെ ഭാഗമായാണ് കപ്പലുകൾക്ക് സുഗമമായ യാത്ര അനുവദിക്കുന്നത്. ഏകദേശം 90,000 ടണ്ണിലധികം എൽപിജി (LPG) ആണ് ഈ രണ്ട് ടാങ്കറുകളിലുമായി ഉള്ളത്. ഇന്ത്യയുടെ ഊർജ്ജ സുരക്ഷയിൽ നിർണ്ണായകമായ നീക്കമാണിത്.
കഴിഞ്ഞ ദിവസങ്ങളിൽ നാല് ഇന്ത്യൻ എൽപിജി ടാങ്കറുകൾ ഇതേ പാതയിലൂടെ വിജയകരമായി ഹോർമുസ് കടന്നിരുന്നു.
അമേരിക്കയും ഇസ്രായേലും ഇറാനെതിരെ സൈനിക നീക്കം തുടരുന്ന അതീവ ഗൗരവകരമായ സാഹചര്യത്തിലും ഇന്ത്യൻ കപ്പലുകൾക്ക് പ്രത്യേക പരിഗണന ലഭിക്കുന്നത് ഇന്ത്യയുടെ നയതന്ത്ര വിജയമായാണ് വിലയിരുത്തപ്പെടുന്നത്. ലോകത്തിലെ എണ്ണക്കപ്പലുകളുടെ മൂന്നിലൊന്ന് കടന്നുപോകുന്ന ഹോർമുസ് കടലിടുക്കിലെ നിയന്ത്രണം നിലവിൽ ഇറാന്റെ കൈവശമാണ്.
Short Story Summary:
Two more Indian LPG tankers, BW Tyr and BW Elma, have safely crossed the Strait of Hormuz despite ongoing tensions in the region. Carrying over 90,000 tonnes of LPG combined, the vessels are now moving towards the Gulf of Oman. This safe passage follows Iran’s recent assurance that ships from friendly nations, including India, will be allowed through the strait without hindrance.
