Follow on Google News
തിരുവനന്തപുരം: കേരളത്തിൽ വേനൽ കടുക്കുന്നു (Kerala Summer Heat Wave 2026). ഈ വർഷത്തെ ഏറ്റവും ഉയർന്ന താപനില ഇന്നലെ പാലക്കാട് ജില്ലയിൽ രേഖപ്പെടുത്തി (40.1°C). ഇത് സാധാരണ ഈ സമയത്ത് ലഭിക്കേണ്ടതിനേക്കാൾ 3.4 ഡിഗ്രി അധികമാണ്. കൊല്ലം ജില്ലയിലെ പുനലൂരും സമാനമായ രീതിയിൽ വെന്തുരുകുകയാണ്. 39.8°C ആണ് ഇവിടെ രേഖപ്പെടുത്തിയ ചൂട്.
ചൂട് ക്രമാതീതമായി ഉയർന്ന സാഹചര്യത്തിൽ ഇടുക്കി, വയനാട് ഒഴികെയുള്ള 12 ജില്ലകളിൽ കാലാവസ്ഥാ വകുപ്പ് താപനില മുന്നറിയിപ്പ് നൽകിയിട്ടുണ്ട്. അന്തരീക്ഷത്തിൽ അൾട്രാവയലറ്റ് (UV) രശ്മികളുടെ അളവ് കൂടുന്നത് ഗുരുതരമായ ആരോഗ്യപ്രശ്നങ്ങൾക്ക് കാരണമാകുമെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു.
പ്രധാന നിർദ്ദേശങ്ങൾ:
സമയക്രമം: പകൽ 10 മണി മുതൽ 3 മണി വരെ അൾട്രാവയലറ്റ് സൂചിക ഏറ്റവും ഉയർന്നു നിൽക്കുന്ന സമയമാണ്. ഈ സമയത്ത് നേരിട്ട് സൂര്യപ്രകാശം ഏൽക്കുന്നത് പരമാവധി ഒഴിവാക്കുക.
മുൻകരുതൽ: പുറത്തിറങ്ങുമ്പോൾ കുട, തൊപ്പി, സൺഗ്ലാസ് എന്നിവ കരുതുക. ശരീരം മുഴുവൻ മറയുന്ന ഇളം നിറത്തിലുള്ള കോട്ടൺ വസ്ത്രങ്ങൾ ധരിക്കുന്നത് ചൂടിൽ നിന്ന് സംരക്ഷണം നൽകും.
ഭക്ഷണവും വെള്ളവും: നിർജ്ജലീകരണം ഒഴിവാക്കാൻ ധാരാളം വെള്ളം കുടിക്കുകയും യാത്രകൾക്കിടയിൽ കൃത്യമായ ഇടവേളകളിൽ തണലിൽ വിശ്രമിക്കുകയും ചെയ്യുക.
പ്രത്യേക ശ്രദ്ധ: കുട്ടികൾ, പ്രായമായവർ, ഗർഭിണികൾ, മറ്റ് രോഗബാധിതർ എന്നിവർ വെയിൽ ഏൽക്കാതിരിക്കാൻ പ്രത്യേക ജാഗ്രത പാലിക്കണം.
പുറംജോലികളിൽ ഏർപ്പെടുന്നവർ, മത്സ്യത്തൊഴിലാളികൾ, ബൈക്ക് യാത്രക്കാർ എന്നിവർ ജോലി സമയം ക്രമീകരിക്കണമെന്നും
ജലാശയങ്ങൾക്കും മണൽ പ്രദേശങ്ങൾക്കും സമീപം പ്രതിഫലന സാധ്യത കൂടുതലായതിനാൽ ജാഗ്രത വേണമെന്നും ദുരന്ത നിവാരണ അതോറിറ്റി അറിയിച്ചു.
Story Summary:
Kerala is witnessing record-breaking summer heat, with Palakkad recording the year’s highest temperature of 40.1°C and Punalur reaching 39.8°C. The IMD has issued a high-temperature warning for 12 districts, excluding Idukki and Wayanad. Health experts have warned against high UV radiation levels between 10 AM and 3 PM, advising people to stay hydrated, wear light cotton clothes, and use umbrellas or sunglasses while outdoors.
