മാംസപിണ്ഡം(കവിത)-ശ്രേയ എസ് കുമാർ

എങ്ങോ ഉതിർന്ന നേർത്ത

വിലാപങ്ങളിന്നീ കാതുക-

ളിൽ ചോര പൊഴിക്കവെ,

ഉറവ തന്നിൽ നിന്നും കുത്തിയൊ-

ലിച്ചൊഴുകും പുഴ നിറംമാറി

അതിരുകൾ വരയവെ,

സഹ ഉദരത്തിൽ നിന്നും പെറ്റു-

വീണൊരാ ശരീരങ്ങൾ

മാംസ പിണ്ഡങ്ങളാവുന്നു,

വായ്ത്തലചെത്തിയ വേദപു-

സ്തകങ്ങളൊ അറുത്തെടുക്കുന്നു

വായ്ത്തുന്നി കൂട്ടിയ,

ചങ്ങല തന്നിലുരഞ്ഞു പതം വന്ന,

ദൈവങ്ങളെ…

—————————————-

ശ്രേയ എസ് കുമാർ

പാലക്കാട്