ഫെബ്രുവരി 14 വാലന്റൈൻസ് ദിനത്തിൽ ഇന്ത്യൻ ക്രിക്കറ്റ് താരം ഹാർദിക് പാണ്ഡ്യ (Hardik Pandya) പങ്കുവെച്ച ഒരു ചിത്രം സമൂഹമാധ്യമങ്ങളിൽ വൻ ചർച്ചയായിരിക്കുകയാണ്. നതാലിയ സ്റ്റാങ്കോവിച്ചുമായുള്ള വിവാഹമോചനത്തിന് ശേഷം താരം പുതിയൊരു ബന്ധത്തിലേക്ക് കടന്നുവെന്ന സൂചനകളാണ് ഈ പോസ്റ്റ് നൽകുന്നത്.
വാലന്റൈൻസ് ദിനത്തിൽ ഹാർദിക് പങ്കുവെച്ച ഇൻസ്റ്റാഗ്രാം സ്റ്റോറിയിൽ ഒരാളുടെ കൈ ചേർത്തുപിടിച്ചിരിക്കുന്ന ചിത്രം ഉണ്ടായിരുന്നു. എന്നാൽ കൂടെയുള്ളത് ആരാണെന്ന് താരം വെളിപ്പെടുത്തിയിട്ടില്ല. ചിത്രത്തിലെ കൈകൾ ആരുടേതാണെന്ന കാര്യത്തിൽ ആരാധകർക്കിടയിൽ പല പേരുകളും ഉയർന്നു വരുന്നുണ്ട്. പ്രശസ്ത മോഡലായ ജാസ്മിൻ വാലിയയുമായി ഹാർദിക് പ്രണയത്തിലാണെന്ന് നേരത്തെ ഗോസിപ്പുകൾ ഉണ്ടായിരുന്നു.
‘ഹാപ്പി വാലന്റൈൻസ് ഡേ’ എന്ന അടിക്കുറിപ്പോടെ പങ്കുവെച്ച ഈ പോസ്റ്റ് നിമിഷങ്ങൾക്കകം വൈറലായി. ഹാർദിക് തന്റെ പുതിയ പങ്കാളിയെ ഉടൻ പരിചയപ്പെടുത്തുമെന്ന് ആരാധകർ പ്രതീക്ഷിക്കുന്നു.
കഴിഞ്ഞ വർഷമാണ് ഹാർദിക് പാണ്ഡ്യയും നതാലിയ സ്റ്റാങ്കോവിച്ചും ഔദ്യോഗികമായി വേർപിരിഞ്ഞത്. മകൻ അഗസ്ത്യയുടെ കാര്യങ്ങൾ ഇരുവരും ചേർന്നാണ് നോക്കുന്നത്.
