മെൽബൺ: 2026-27 അന്താരാഷ്ട്ര ക്രിക്കറ്റ് സീസണിലേക്കുള്ള വാർഷിക കരാർ പട്ടിക ക്രിക്കറ്റ് ഓസ്ട്രേലിയ പ്രഖ്യാപിച്ചു (Cricket Australia Contracts 2026). പ്രമുഖ ഓൾ റൗണ്ടർ ഗ്ലെൻ മാക്സ്വെൽ, യുവ ഓപ്പണിങ് ബാറ്റർ സാം കോൺസ്റ്റാസ് എന്നിവരെ ഒഴിവാക്കിയതാണ് പട്ടികയിലെ പ്രധാന ശ്രദ്ധാകേന്ദ്രം. വരാനിരിക്കുന്ന സീസണിൽ 20 ടെസ്റ്റ് മത്സരങ്ങൾ ഉൾപ്പെടുന്നതിനാൽ ടെസ്റ്റ് സ്പെഷ്യലിസ്റ്റുകൾക്കാണ് ബോർഡ് മുൻഗണന നൽകിയിരിക്കുന്നത്. മോശം ഫോമിലായിരുന്ന 20-കാരൻ സാം കോൺസ്റ്റാസിന് പകരം ജേക്ക് വെതറാൾഡിനെ ഓപ്പണറായി പട്ടികയിൽ ഉൾപ്പെടുത്തിയിട്ടുണ്ട്. ഓഗസ്റ്റിൽ ബംഗ്ലാദേശിനെതിരെ നടക്കുന്ന രണ്ട് മത്സരങ്ങളുടെ പരമ്പരയോടെയാണ് ഓസ്ട്രേലിയയുടെ പുതിയ സീസൺ ആരംഭിക്കുന്നത്.
തിരക്കേറിയ ക്രിക്കറ്റ് കലണ്ടർ:
സെപ്റ്റംബർ – ഒക്ടോബർ: സിംബാബ്വേയിൽ മൂന്ന് ഏകദിനങ്ങളും, ദക്ഷിണാഫ്രിക്കയിൽ മൂന്ന് ഏകദിനങ്ങളും ടെസ്റ്റുകളും.
ഡിസംബർ – ജനുവരി: ഇംഗ്ലണ്ടിനെതിരായ വൈറ്റ്-ബാൾ സീരീസിന് ശേഷം ന്യൂസിലൻഡിനെതിരെ നാല് ഹോം ടെസ്റ്റുകൾ.
ജനുവരി 21: ഇന്ത്യക്കെതിരായ അഞ്ച് ടെസ്റ്റ് മത്സരങ്ങളുടെ നിർണ്ണായക പര്യടനം ആരംഭിക്കും.
2027 മാർച്ച്: മെൽബണിൽ ഇംഗ്ലണ്ടിനെതിരെ നടക്കുന്ന 150-ാം വാർഷിക ടെസ്റ്റോടെ സീസൺ അവസാനിക്കും.
കരാർ ലഭിച്ച താരങ്ങൾ:
സേവിയർ ബാർട്ട്ലറ്റ്, സ്കോട്ട് ബോലണ്ട്, അലക്സ് ക്യാരി, പാറ്റ് കമ്മിൻസ് (ക്യാപ്റ്റൻ), ബ്രെൻഡൻ ഡോഗറ്റ്, നഥൻ എല്ലിസ്, കാമറൂൺ ഗ്രീൻ, ജോഷ് ഹേസൽവുഡ്, ട്രാവിസ് ഹെഡ്, ജോഷ് ഇംഗ്ലിസ്, മാത്യൂ കൂണ്മൻ, മർനസ് ലബുഷെയ്ൻ, നഥാൻ ലിയോൺ, മിച്ചൽ മാർഷ്, ടോഡ് മർഫി, മൈക്കൽ നേസർ, സ്റ്റീവ് സ്മിത്ത്, മിച്ചൽ സ്റ്റാർക്ക്, ജേക്ക് വെതറാൾഡ്, ബോ വെബ്സ്റ്റർ, ആദം സാംപ.
Story Summary:
Cricket Australia announced its annual contract list for the 2026-27 international season, notably excluding Glenn Maxwell and Sam Konstas. With 20 Test matches scheduled, including series against India and England, the board prioritized Test specialists. Jake Weatherald earned a spot as an opener, replacing the out-of-form Konstas. The season features a packed schedule ending with the 150th Anniversary Test in Melbourne.
