ദമ്മാം: സൗദി അറേബ്യയിലുണ്ടായ ദാരുണമായ വാഹനാപകടത്തിൽ വയനാട് സ്വദേശിയായ യുവതിക്ക് അന്ത്യം (Wayanad Native Woman Died in Saudi Accident). വൈത്തിരി സ്വദേശിനി ഹിദ നൗറിൻ (23) ആണ് മരിച്ചത്. ദമ്മാം-റിയാദ് ഹൈവേയിൽ ഒറൈറക്കടുത്ത് ഉമ്മുൽ അറാറിൽ വെച്ചായിരുന്നു അപകടം സംഭവിച്ചത്. ദമ്മാമിൽ നിന്ന് റിയാദിലുള്ള മാതാപിതാക്കളുടെ അടുത്തേക്ക് പോകുകയായിരുന്നു ഹിദയും ഭർത്താവ് യാസീനും.
ഇവർ സഞ്ചരിച്ചിരുന്ന വാഹനം നിയന്ത്രണം വിട്ട് മറിയുകയായിരുന്നു. ഹിദ സംഭവസ്ഥലത്ത് വെച്ച് തന്നെ മരണപ്പെട്ടു.കൂടെയുണ്ടായിരുന്ന ഭർത്താവ് യാസീൻ പരിക്കുകളോടെ രക്ഷപ്പെട്ടു. ഇദ്ദേഹം നിലവിൽ ആശുപത്രിയിൽ ചികിത്സയിലാണ്.
വെറും ഒരാഴ്ച മുൻപാണ് ഹിദയും യാസീനും തമ്മിലുള്ള വിവാഹം ദമ്മാമിൽ വെച്ച് നടന്നത്. മംഗല്യത്തിന്റെ മധുരം മായും മുൻപേ എത്തിയ മരണം പ്രവാസി മലയാളികൾക്കിടയിലും നാട്ടിലും വലിയ നോവായി മാറിയിരിക്കുകയാണ്. നിയമനടപടികൾ പൂർത്തിയാക്കിയ ശേഷം മൃതദേഹം സൗദിയിൽ തന്നെ മറവ് ചെയ്യാനാണ് ബന്ധുക്കളുടെ തീരുമാനം.
Short Story Summary:
A 23-year-old newlywed from Wayanad, Hida Nourin, died in a tragic car accident on the Dammam-Riyadh highway in Saudi Arabia. The accident occurred just one week after her wedding while she was traveling to Riyadh to visit her parents. Her husband, Yasin, survived with injuries and is undergoing treatment. Her last rites will be performed in Saudi Arabia.
