ന്യൂഡൽഹി: പ്രതിപക്ഷ സഖ്യമായ ‘ഇന്ത്യ മുന്നണിയുടെ നേതൃസ്ഥാനത്തെച്ചൊല്ലി പുതിയ ചർച്ചകൾക്ക് വഴിതുറന്ന് പ്രമുഖരുടെ പ്രസ്താവനകൾ. പശ്ചിമ ബംഗാൾ മുഖ്യമന്ത്രി മമത ബാനർജി മുന്നണിയെ നയിക്കണമെന്ന നിർദ്ദേശവുമായി സഞ്ജയ ബാരു രംഗത്തെത്തി.(Sanjaya Baru wants Mamata Banerjee to lead the INDIA bloc)
സ്വന്തം നിലയിൽ കെട്ടിപ്പടുത്ത രാഷ്ട്രീയ വ്യക്തിത്വമാണ് മമതയുടേതെന്ന് അദ്ദേഹം വിശേഷിപ്പിച്ചു. നിലവിൽ ഒരു പാർട്ടിയുടെയും സംസ്ഥാനത്തിന്റെയും തലപ്പത്തുള്ള ഏക വനിതാ നേതാവാണ് അവർ. ബിജെപി നേടിയെടുത്ത സ്ത്രീ വോട്ടുകളിൽ വിള്ളൽ വീഴ്ത്താൻ സ്വതന്ത്ര സ്ത്രീത്വത്തിന്റെ പ്രതീകമായ മമതയ്ക്ക് സാധിക്കുമെന്ന് സഞ്ജയ ബാരു അഭിപ്രായപ്പെട്ടു. “നമുക്ക് ഒരു വനിതാ പ്രധാനമന്ത്രിയെ ലഭിച്ചിട്ട് കാലം കുറച്ചായി” എന്നും അദ്ദേഹം ഓർമ്മിപ്പിച്ചു.
