കൊൽക്കത്ത: പശ്ചിമബംഗാൾ നിയമസഭാ തിരഞ്ഞെടുപ്പിനുള്ള ബിജെപിയുടെ ആദ്യഘട്ട സ്ഥാനാർത്ഥി പട്ടിക പുറത്തിറങ്ങി (West Bengal Assembly Election 2026). ആകെ 294 സീറ്റുകളുള്ള സംസ്ഥാനത്ത് 144 മണ്ഡലങ്ങളിലെ സ്ഥാനാർത്ഥികളെയാണ് ഇപ്പോൾ പ്രഖ്യാപിച്ചിരിക്കുന്നത്. മുഖ്യമന്ത്രി മമത ബാനർജിക്കെതിരെ അവരുടെ സിറ്റിംഗ് മണ്ഡലമായ ഭവാനിപുരിൽ പ്രതിപക്ഷ നേതാവ് സുവേന്ദു അധികാരിയെ തന്നെ ബിജെപി കളത്തിലിറക്കുന്നു എന്നതാണ് പട്ടികയിലെ ഏറ്റവും വലിയ സവിശേഷത.
സുവേന്ദു അധികാരി രണ്ടിടത്ത്: കഴിഞ്ഞ തിരഞ്ഞെടുപ്പിൽ നന്ദിഗ്രാമിൽ മമത ബാനർജിയെ പരാജയപ്പെടുത്തിയ സുവേന്ദു അധികാരി ഇത്തവണ രണ്ട് മണ്ഡലങ്ങളിൽ നിന്ന് ജനവിധി തേടും. സ്വന്തം തട്ടകമായ നന്ദിഗ്രാമിന് പുറമെയാണ് മുഖ്യമന്ത്രിയുടെ മണ്ഡലമായ ഭവാനിപുരിലും അദ്ദേഹം മത്സരിക്കുന്നത്. 2021-ൽ നന്ദിഗ്രാമിൽ 1956 വോട്ടുകൾക്കാണ് സുവേന്ദു മമതയെ തോൽപ്പിച്ചിരുന്നത്.
പ്രമുഖ സ്ഥാനാർത്ഥികൾ:
ദിലീപ് ഘോഷ്: ബിജെപി മുൻ സംസ്ഥാന അധ്യക്ഷൻ ഖരഗ്പുർ സദറിൽ മത്സരിക്കും.
അഗ്നിമിത്ര പോൾ: പ്രശസ്ത ഫാഷൻ ഡിസൈനറും നിലവിലെ എംഎൽഎയുമായ അഗ്നിമിത്ര ദക്ഷിണ അസൻസോളിൽ നിന്ന് വീണ്ടും ജനവിധി തേടുന്നു.
അശോക് ഡിണ്ഡ: മുൻ ഇന്ത്യൻ ക്രിക്കറ്റ് താരം മൊയ്ന മണ്ഡലത്തിൽ സ്ഥാനാർത്ഥിയാകും.
രുദ്രാനിൽ ഘോഷ്: നടൻ രുദ്രാനിൽ ഘോഷ് ശിബ്പുരിൽ മത്സരിക്കും.
സ്വപൻ ദാസ്ഗുപ്ത: പ്രമുഖ മാധ്യമപ്രവർത്തകനും മുൻ രാജ്യസഭാംഗവുമായ സ്വപൻ ദാസ്ഗുപ്ത രാഷ്ബിഹാരി മണ്ഡലത്തിൽ നിന്ന് മത്സരിക്കും.
പശ്ചിമബംഗാളിൽ ഇത്തവണ രണ്ട് ഘട്ടങ്ങളിലായാണ് തിരഞ്ഞെടുപ്പ് നടക്കുന്നത്. ഏപ്രിൽ 23, 29 തീയതികളിലാണ് വോട്ടെടുപ്പ്. മെെയ് നാലാം തീയതി വോട്ടെണ്ണൽ നടക്കും. എട്ട് ഘട്ടങ്ങളിലായി നടന്ന കഴിഞ്ഞ തിരഞ്ഞെടുപ്പിൽ നിന്നും വ്യത്യസ്തമായി ഇത്തവണ ഘട്ടങ്ങൾ കുറച്ചത് സുരക്ഷാ ക്രമീകരണങ്ങൾ എളുപ്പമാക്കാനാണെന്ന് തിരഞ്ഞെടുപ്പ് കമ്മീഷൻ വ്യക്തമാക്കി.
Story Summary:
BJP has released its first list of 144 candidates for the 2026 West Bengal Assembly elections. The headline contest is Suvendu Adhikari challenging Chief Minister Mamata Banerjee in her stronghold, Bhabanipur, while also contesting from his current seat, Nandigram. The list features prominent names like Dilip Ghosh, Agnimitra Paul, and Ashok Dinda. The state will go to polls in two phases on April 23 and 29, with results on May 4.
