മുംബൈ: ജാതി മാറി വിവാഹം കഴിച്ചതിന്റെ പേരിൽ വീട്ടുകാരിൽ നിന്ന് കടുത്ത പീഡനം നേരിടുകയാണെന്നും താൻ ആത്മഹത്യയെക്കുറിച്ച് ചിന്തിക്കുകയാണെന്നും വെളിപ്പെടുത്തി പ്രമുഖ യൂട്യൂബറും ബിഗ് ബോസ് 17 മത്സരാർഥിയുമായ അനുരാഗ് ദോഭാൽ (UK07 Rider). ‘അവസാന വീഡിയോ’ എന്ന കുറിപ്പോടെ തന്റെ യൂട്യൂബ് ചാനലിൽ പങ്കുവെച്ച രണ്ട് മണിക്കൂർ ദൈർഘ്യമുള്ള വീഡിയോയിലാണ് അനുരാഗ് വിങ്ങിപ്പൊട്ടിക്കൊണ്ട് തന്റെ അവസ്ഥ വിവരിച്ചത് (Anurag Dobhal UK07 Rider YouTube video).
പ്രണയിച്ച് വിവാഹം കഴിച്ച ഭാര്യ ഋതിക തന്നെ ഉപേക്ഷിച്ചു പോയെന്നും താൻ കടുത്ത വിഷാദത്തിലാണെന്നും അനുരാഗ് പറഞ്ഞു. അഞ്ച് ദിവസമായി താൻ ഭക്ഷണം കഴിച്ചിട്ടെന്നും ഉറങ്ങിയിട്ടെന്നും താരം വെളിപ്പെടുത്തി.
“എന്റെ മരണത്തിന് ഉത്തരവാദികൾ മമ്മി, പപ്പ, സഹോദരൻ കലാം, ശ്രേയ എന്നിവരായിരിക്കും. അവർക്ക് മുൻപിൽ എനിക്ക് കൈകൂപ്പേണ്ടി വന്നു, കാലു പിടിക്കേണ്ടി വന്നു. എല്ലാ ബന്ധുക്കളുടെയും മുന്നിൽ വെച്ച് എന്നെക്കൊണ്ട് മാപ്പു പറയിപ്പിച്ചു,” അനുരാഗ് പറഞ്ഞു.
ജാതി മാറിയുള്ള വിവാഹമായതിനാൽ മാതാപിതാക്കൾ തന്നെയും ഭാര്യയെയും വീട്ടിൽ കയറ്റാൻ സമ്മതിച്ചില്ല. “ഞങ്ങൾ സന്തോഷിക്കില്ല, നിന്നെ സന്തോഷിക്കാൻ സമ്മതിക്കുകയുമില്ല” എന്ന് പറഞ്ഞ് അച്ഛനും അമ്മയും തന്നെ മാനസികമായി പീഡിപ്പിക്കുകയായിരുന്നുവെന്ന് അനുരാഗ് ആരോപിക്കുന്നു.
രണ്ട് വർഷത്തെ പ്രണയത്തിനൊടുവിൽ കഴിഞ്ഞ മേയ് മാസത്തിലാണ് വീട്ടുകാരുടെ സമ്മതമില്ലാതെ അനുരാഗും ഋതികയും വിവാഹിതരായത്. ഋതിക ഗർഭിണിയാണെന്ന് സെപ്റ്റംബറിൽ ഇരുവരും പ്രഖ്യാപിച്ചിരുന്നു. എന്നാൽ ഇതിനുശേഷം ബന്ധത്തിൽ വിള്ളലുകൾ ഉണ്ടാവുകയും ഋതിക അനുരാഗിനെ വിട്ടുപോവുകയുമായിരുന്നു. താൻ പൂർണ്ണമായും തളർന്നുവെന്നും ഈ വീഡിയോയ്ക്ക് ശേഷം ചിലപ്പോൾ താൻ അപ്രത്യക്ഷമായേക്കുമെന്നും അനുരാഗ് വീഡിയോയിൽ പറഞ്ഞു.
യൂട്യൂബ് ലോകത്തെ പ്രമുഖനായ അനുരാഗിന്റെ ഈ വീഡിയോ ആരാധകർക്കിടയിൽ വലിയ ആശങ്കയുണ്ടാക്കിയിട്ടുണ്ട്. സഹപ്രവർത്തകരും ആരാധകരും താരത്തിന് പിന്തുണയുമായി രംഗത്തെത്തുന്നുണ്ട്.
Story Summary:
Famous YouTuber and Bigg Boss 17 contestant Anurag Dobhal, popularly known as UK07 Rider, has posted a distressing ‘last video’ claiming he is contemplating suicide due to family harassment. He alleged that his parents harassed him for his inter-caste marriage with Rytika and didn’t allow them into the house. Anurag, who is currently depressed after Rytika left him, held his parents and brother responsible for his current state.
