ലക്നൗ: 11,200 കോടി രൂപ ചെലവിൽ നിർമ്മിച്ച നോയിഡ അന്താരാഷ്ട്ര വിമാനത്താവളത്തിന്റെ ഒന്നാം ഘട്ടം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു (Noida International Airport). ഉത്തർപ്രദേശിനെ ആഗോള വ്യോമയാന ഭൂപടത്തിൽ മുൻനിരയിലെത്തിക്കുന്ന പദ്ധതിയാണിത്. 3000 ഏക്കറിൽ വ്യാപിച്ചുകിടക്കുന്ന ഈ വിമാനത്താവളം അത്യാധുനിക സൗകര്യങ്ങളോടെയാണ് സജ്ജമാക്കിയിരിക്കുന്നത്.
ഏപ്രിൽ പകുതിയോടെ വിമാനത്താവളം പ്രവർത്തനസജ്ജമാകും. ആദ്യഘട്ടത്തിൽ മുംബൈ, ബംഗളൂരു, ഹൈദരാബാദ്, കൊൽക്കത്ത ഉൾപ്പെടെ പത്ത് പ്രധാന ഇന്ത്യൻ നഗരങ്ങളിലേക്കായിരിക്കും സർവീസുകൾ. നാല് കിലോമീറ്റർ നീളമുള്ള പടുകൂറ്റൻ റൺവേയാണ് ഈ വിമാനത്താവളത്തിന്റെ പ്രധാന ആകർഷണം.
മുഖ്യമന്ത്രി യോഗി ആദിത്യനാഥ്, വ്യോമയാന മന്ത്രി രാം മോഹൻ നായിഡു തുടങ്ങിയ പ്രമുഖർ ഉദ്ഘാടന ചടങ്ങിൽ പങ്കെടുത്തു.
ഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ തിരക്ക് കുറയ്ക്കാൻ നോയിഡ വിമാനത്താവളം സഹായിക്കും. പടിഞ്ഞാറൻ ഉത്തർപ്രദേശിലെ വ്യവസായ മേഖലയ്ക്കും ടൂറിസത്തിനും ഈ പദ്ധതി വലിയ കരുത്തേകും.
Short Story Summary:
Prime Minister Narendra Modi inaugurated the first phase of the Noida International Airport, built at a cost of ₹11,200 crore. Spanning 3,000 acres, the airport features a massive 4-km long runway. Flight operations are set to begin by mid-April, initially connecting Noida to 10 major Indian cities, including Mumbai and Bengaluru. The inauguration was attended by UP CM Yogi Adityanath and Union Minister Ram Mohan Naidu.
