മൈസൂരു: കർണാടകയിലെ ഹുൻസൂരിൽ അത്യന്തം സങ്കടകരമായ ഒരു അപകടത്തിലാണ് ആറുമാസം പ്രായമുള്ള ആൺകുഞ്ഞിന് ജീവൻ നഷ്ടമായത് (Mysuru Baby Death). വീട്ടിൽ പൂജയ്ക്കായി സൂക്ഷിച്ചിരുന്ന ഉണങ്ങിയ ചെമ്പരത്തിപ്പൂവ് കുട്ടി അബദ്ധത്തിൽ വിഴുങ്ങുകയായിരുന്നു. മൂത്ത സഹോദരനൊപ്പം കളിച്ചുകൊണ്ടിരുന്ന കുഞ്ഞ്, അടുത്തുണ്ടായിരുന്ന ഉണങ്ങിയ ചെമ്പരത്തിപ്പൂവ് കയ്യിലെടുത്ത് വായിലിടുകയായിരുന്നു. കുട്ടി പൂവ് വായിലിടുന്നത് കണ്ട സഹോദരൻ അത് പുറത്തെടുക്കാൻ ശ്രമിച്ചെങ്കിലും അതിനിടെ കുഞ്ഞ് പൂവ് വിഴുങ്ങുകയായിരുന്നു.
പൂവ് തൊണ്ടയിൽ കുടുങ്ങിയതോടെ കുഞ്ഞിന് കടുത്ത ശ്വാസതടസ്സം അനുഭവപ്പെട്ടു. ഉടൻ തന്നെ അടുത്തുള്ള പ്രാഥമിക ആരോഗ്യ കേന്ദ്രത്തിലും തുടർന്ന് മൈസൂരുവിലെ സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.
പൂവ് ശ്വാസനാളത്തിൽ (Windpipe) കുടുങ്ങിയതാണ് മരണകാരണമെന്ന് ഡോക്ടർമാർ സ്ഥിരീകരിച്ചു. ചെറിയ കുട്ടികൾ ഉള്ള വീടുകളിൽ പൂജയ്ക്കോ മറ്റോ ഉപയോഗിക്കുന്ന ചെറിയ വസ്തുക്കൾ പോലും അശ്രദ്ധമായി വെക്കുന്നത് എത്രത്തോളം അപകടകരമാണെന്ന് ഓർമ്മിപ്പിക്കുന്നതാണ് ഈ ദാരുണ സംഭവം.
Short Story Summary:
A tragic incident occurred in Hunsur, Mysuru, where a six-month-old baby boy died after accidentally swallowing a dried hibiscus flower kept for puja. The baby was playing with his elder brother when he put a part of the flower in his mouth. Although the brother tried to remove it, the baby swallowed it, leading to immediate breathing difficulties. Despite being rushed to a nearby health center and later to a private hospital in Mysuru, the child could not be saved as the flower remained stuck in his windpipe.
