ശ്രീനഗർ: ജമ്മു കാശ്മീരിലെ കിഷ്ത്വാറിൽ സുരക്ഷാസേന വധിച്ച മൂന്ന് ജെയ്ഷെ മുഹമ്മദ് ഭീകരരിൽ ഉൾപ്പെട്ട സെയ്ഫുള്ള സേനയുടെ ‘മോസ്റ്റ് വാണ്ടഡ്’ പട്ടികയിലുണ്ടായിരുന്ന കൊടും ഭീകരൻ (Kishtwar Encounter Updates). കഴിഞ്ഞ രണ്ട് വർഷത്തിനിടെ വിവിധ ഓപ്പറേഷനുകളിൽ നിന്നായി ചുരുങ്ങിയത് 20 തവണയെങ്കിലും ഇയാൾ രക്ഷപ്പെട്ടിട്ടുണ്ടെന്ന് സേനാ വൃത്തങ്ങൾ വെളിപ്പെടുത്തി.കിഷ്ത്വാറിലെ മലഞ്ചെരിവിലുള്ള ഒരു വീട്ടിൽ ഭീകരർ ഒളിച്ചിരിക്കുന്നുവെന്ന കൃത്യമായ വിവരത്തെ തുടർന്നാണ് കരസേന, ജമ്മു കാശ്മീർ പോലീസ്, സിആർപിഎഫ് എന്നിവരുടെ സംയുക്ത സംഘം തിരച്ചിൽ ആരംഭിച്ചത്.
സേന വളയുന്നത് കണ്ട ഭീകരർ ആദ്യം വെടിയുതിർക്കുകയായിരുന്നു. തുടർന്നുണ്ടായ പ്രത്യാക്രമണത്തിലാണ് സെയ്ഫുള്ള ഉൾപ്പെടെ മൂന്ന് പേർ കൊല്ലപ്പെട്ടത്. ഇവരിൽ നിന്ന് രണ്ട് എകെ-47 റൈഫിളുകളും മറ്റ് മാരകായുധങ്ങളും കണ്ടെടുത്തിട്ടുണ്ട്. ജനുവരി മുതൽ കിഷ്ത്വാറിലെ ദുർഘടമായ വനമേഖലകളിൽ (ചാത്രൂ, സോന്നാർ, ഡോൾഗാം, ദിച്ചാർ) കേന്ദ്രീകരിച്ച് നടത്തുന്ന ‘ഓപ്പറേഷൻ ത്രാഷി-1’ന്റെ വലിയ വിജയമായാണ് ഈ നീക്കം വിലയിരുത്തപ്പെടുന്നത്.
നേരത്തെ കൊല്ലപ്പെട്ട ജെയ്ഷെ ഭീകരൻ ആദിലിന് ശേഷം സെയ്ഫുള്ളയും വീണത് മേഖലയിലെ ഭീകരവാദ പ്രവർത്തനങ്ങൾക്ക് കനത്ത തിരിച്ചടിയായി. പരിക്കേറ്റ സൈനിക നായ ടൈസന്റെ സേവനവും ഈ ദൗത്യത്തിൽ നിർണ്ണായകമായിരുന്നു.
Story Summary:
Saifullah, a Jaish-e-Mohammed terrorist killed in the Kishtwar encounter, had escaped security forces nearly 20 times over the last two years. He was killed in a joint operation involving the Army, J&K Police, and CRPF as part of ‘Operation Thrashi-1’.
