റാഞ്ചി: ജാർഖണ്ഡിലെ പലാമു ജില്ലയിൽ ബുധനാഴ്ച വൈകുന്നേരമുണ്ടായ ശക്തമായ മഴയിലും കാറ്റിലും രണ്ട് പേർ മരിച്ചു (Jharkhand Rain Death). ബിഹാർ സ്വദേശിയായ കാംദേവ് ചന്ദ്രവംശി (50), പലാമു സ്വദേശി പപ്പു കുമാർ (18) എന്നിവരാണ് മരിച്ചത്. അപകടത്തിൽ പരിക്കേറ്റ ഒരാൾ ചികിത്സയിലാണ്.
ഹൈദർ നഗർ പൊലീസ് സ്റ്റേഷൻ പരിധിയിൽ ബൈക്കിൽ സഞ്ചരിക്കുകയായിരുന്ന കാംദേവ് ചന്ദ്രവംശിയുടെ മേൽ മരം ഒടിഞ്ഞുവീണാണ് മരണം സംഭവിച്ചത്. നൗഡിഹ ഗ്രാമത്തിലുണ്ടായ സമാനമായ അപകടത്തിലാണ് പപ്പു കുമാർ മരിച്ചത്.കാംദേവിനൊപ്പം ബൈക്കിൽ ഉണ്ടായിരുന്ന ആൾക്ക് ഗുരുതരമായി പരിക്കേറ്റു. ഇയാൾ മേദിനിറായ് മെഡിക്കൽ കോളേജ് ആശുപത്രിയിൽ ചികിത്സയിലാണ്.
കനത്ത കാറ്റിൽ പലാമുവിന്റെ വിവിധ ഭാഗങ്ങളിൽ വീടുകൾ തകരുകയും കൃഷിനാശം സംഭവിക്കുകയും ചെയ്തിട്ടുണ്ട്. വൈദ്യുതി ബന്ധവും പലയിടങ്ങളിലും തടസ്സപ്പെട്ടു.വരും ദിവസങ്ങളിലും സംസ്ഥാനത്തിന്റെ വിവിധ ഭാഗങ്ങളിൽ ശക്തമായ മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
News Summary: Two people were killed and one person was injured following heavy rain and storms in the Palamu district of Jharkhand. The deceased have been identified as Kamdev Chandravanshi (50), a native of Bihar, and Pappu Kumar (18) from Naudiha. Both deaths were caused by falling trees due to strong winds. One person, who was traveling with Kamdev on a motorcycle, sustained serious injuries and is undergoing treatment at Medinirai Medical College Hospital. Authorities have reported property damage and crop destruction across the district, with more rain predicted in the coming days.
