ന്യൂഡൽഹി: ഇസ്രായേൽ-ഇറാൻ സംഘർഷത്തെത്തുടർന്ന് ഹോർമുസ് കടലിടുക്കിലൂടെയുള്ള കപ്പൽ ഗതാഗതം ഭാഗികമായി തടസ്സപ്പെട്ടെങ്കിലും ഇന്ത്യയിലേക്കുള്ള എൽപിജി നീക്കം സുഗമമായി തുടരുന്നു (India Fuel Supply Status). രണ്ട് പ്രധാന എൽപിജി ടാങ്കറുകൾ കൂടി സുരക്ഷിതമായി കടലിടുക്ക് പിന്നിട്ടതായി സർക്കാർ അറിയിച്ചു.
94,000 മെട്രിക് ടൺ എൽപിജിയുമായി വരുന്ന BW TYR, BW ELM എന്നീ കപ്പലുകൾ വരും ദിവസങ്ങളിൽ ഇന്ത്യൻ തീരത്തെത്തും. BW TYR -മാർച്ച് 31-ന് മുംബൈയിൽ എത്തും.BW ELM- ഏപ്രിൽ 1-ന് മംഗളൂരു തീരത്തെത്തും- കേന്ദ്രം വ്യക്തമാക്കി.
അതേസമയം , രാജ്യത്തെ എല്ലാ പെട്രോൾ പമ്പുകളിലും ആവശ്യത്തിന് ഇന്ധനം ലഭ്യമാണ്. അടുത്ത 60 ദിവസത്തേക്കുള്ള ക്രൂഡ് ഓയിൽ കരുതിയിട്ടുണ്ടെന്നും പരിഭ്രാന്തരായി ഇന്ധനം വാങ്ങിക്കൂട്ടേണ്ടതില്ലെന്നും സർക്കാർ നിർദ്ദേശിച്ചു.പടിഞ്ഞാറൻ പേർഷ്യൻ ഗൾഫ് മേഖലയിലുള്ള 18 ഇന്ത്യൻ പതാകയുള്ള കപ്പലുകളെയും അതിലെ 485 ജീവനക്കാരെയും ഡിജി ഷിപ്പിംഗ് നിരന്തരം നിരീക്ഷിക്കുന്നുണ്ട്.
പ്രവാസികൾക്കുള്ള സഹായം:
ഗൾഫ് മേഖലയിലെ യുദ്ധസമാനമായ സാഹചര്യങ്ങൾ നിരീക്ഷിക്കുന്നതിനൊപ്പം പ്രവാസികളുടെ ക്ഷേമത്തിനും മുൻഗണന നൽകുന്നു.
മാർച്ച് 26-ന് അബുദാബിയിൽ മിസൈൽ ആക്രമണത്തെത്തുടർന്നുണ്ടായ അവശിഷ്ടങ്ങൾ പതിച്ചു മരിച്ച ഇന്ത്യൻ പൗരന്റെ മൃതദേഹം നാട്ടിലെത്തിക്കാനുള്ള നടപടികൾ പുരോഗമിക്കുന്നു.ഒമാനിലെ സലാലയിൽ പരിക്കേറ്റ ഇന്ത്യൻ പൗരന് എംബസിയുടെ നേതൃത്വത്തിൽ വിദഗ്ധ വൈദ്യസഹായം ഉറപ്പാക്കി.
പശ്ചിമേഷ്യയിലെ സ്ഥിതിഗതികൾ കേന്ദ്ര സർക്കാർ 24 മണിക്കൂറും നിരീക്ഷിക്കുന്നുണ്ട്. തുറമുഖ പ്രവർത്തനങ്ങൾ സാധാരണ നിലയിലാണ്. യുദ്ധം കാരണം വിതരണ ശൃംഖലയിൽ തടസ്സമുണ്ടാകാതിരിക്കാൻ മറ്റ് 40-ഓളം രാജ്യങ്ങളിൽ നിന്ന് ക്രൂഡ് ഓയിൽ എത്തിക്കാനുള്ള ബദൽ മാർഗങ്ങളും ഇന്ത്യ സജ്ജമാക്കിയിട്ടുണ്ട്.
Short Story Summary:
The Indian government assured that there is no shortage of petrol or diesel, urging citizens not to panic. Two LPG tankers, BW TYR and BW ELM, carrying 94,000 MT of gas, have cleared the Strait of Hormuz and will reach Mumbai and Mangalore by March 31 and April 1, respectively. The government is also coordinating the repatriation of an Indian national’s body from Abu Dhabi following a missile debris incident and providing medical aid to an injured Indian in Salalah, Oman. All 18 Indian-flagged vessels in the Gulf are being closely monitored for safety.
