മുംബൈ : മഹാരാഷ്ട്രയിലെ ഛത്രപതി സംഭാജിനഗറിൽ (ഔറംഗബാദ്) പെട്രോൾ പമ്പിൽ ഇന്ധനം നിറയ്ക്കാൻ എത്തിയ യുവതിയെ ഭർത്താവ് പരസ്യമായി കഴുത്തറുത്ത് കൊലപ്പെടുത്തി (Chhatrapati Sambhajinagar Murder Case). ജനങ്ങൾ നോക്കിനിൽക്കെയായിരുന്നു ഈ ക്രൂരകൃത്യം. നഗരത്തിലെ തിരക്കേറിയ പെട്രോൾ പമ്പിലാണ് സംഭവം നടന്നത്. സ്കൂട്ടറിൽ എത്തിയ യുവതിയെ പിന്തുടർന്നെത്തിയ ഭർത്താവ് കയ്യിലുണ്ടായിരുന്ന മൂർച്ചയുള്ള ആയുധം ഉപയോഗിച്ച് ആക്രമിക്കുകയായിരുന്നു.
ദമ്പതികൾ തമ്മിൽ കുറച്ചുകാലമായി പിരിഞ്ഞു താമസിക്കുകയായിരുന്നുവെന്ന് റിപ്പോർട്ടുകൾ പറയുന്നു. കുടുംബപ്രശ്നങ്ങളും സംശയവുമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.കൊലപാതകത്തിന്റെ ഭീകരമായ ദൃശ്യങ്ങൾ പെട്രോൾ പമ്പിലെ സിസിടിവിയിൽ പതിഞ്ഞിട്ടുണ്ട്. ഈ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നത് വലിയ നടുക്കമുണ്ടാക്കി.
കൃത്യത്തിന് ശേഷം രക്ഷപ്പെടാൻ ശ്രമിച്ച പ്രതിയെ ദൃക്സാക്ഷികൾ തടഞ്ഞുവെക്കുകയും തുടർന്ന് പോലീസ് എത്തി അറസ്റ്റ് ചെയ്യുകയുമായിരുന്നു. ഭാരതീയ ന്യായ സംഹിതയിലെ (BNS) കൊലപാതക കുറ്റം ചുമത്തിയാണ് പ്രതിക്കെതിരെ കേസെടുത്തിരിക്കുന്നത്. ഫോറൻസിക് സംഘം സ്ഥലത്തെത്തി തെളിവുകൾ ശേഖരിച്ചു.
#Maharashtra Chhatrapati Sambhajinagar (#Aurangabad)- A shocking murder has sent shockwaves through the Karmad area in Chhatrapati Sambhajinagar district after a young woman was killed by her boyfriend in broad daylight at a busy petrol pump.
1/3 pic.twitter.com/XROtHdefC6— Siraj Noorani (@sirajnoorani) April 10, 2026
