ചെന്നൈ: ആദ്യമായി അച്ഛനായ ഒരാളുടെ വൈകാരിക നിമിഷങ്ങൾ സോഷ്യൽ മീഡിയയിൽ തരംഗമാകുന്നു. ചെന്നൈയിലെ സുഗൻ മൾട്ടിസ്പെഷ്യാലിറ്റി ഹോസ്പിറ്റലിലെ ഡോക്ടർ സുഗന്യ ശരവണകുമാർ ഇൻസ്റ്റാഗ്രാമിൽ പങ്കുവെച്ച വീഡിയോയാണ് ലോകമെമ്പാടുമുള്ള ദശലക്ഷക്കണക്കിന് ആളുകളുടെ ഹൃദയം കീഴടക്കിയത് (Father Holding Newborn Video Viral). നവജാതശിശുവിനെ ആദ്യമായി കയ്യിലെടുക്കുമ്പോൾ പരിഭ്രമവും സന്തോഷവും കൊണ്ട് വിറയ്ക്കുന്ന പിതാവിനെയാണ് വീഡിയോയിൽ കാണാൻ സാധിക്കുന്നത്.
കുഞ്ഞിനെ തൊടാൻ ആഗ്രഹമുണ്ടെങ്കിലും അത്ഭുതവും ഒപ്പം കുഞ്ഞിന് വേദനിക്കുമോ എന്ന ഭയവും കാരണം ആ പിതാവിന്റെ കൈകൾ വിറയ്ക്കുന്നുണ്ടായിരുന്നു. വളരെ കരുതലോടെയും പേടിയോടെയും ഇരിക്കുന്ന അദ്ദേഹത്തിന് കുഞ്ഞിനെ സുരക്ഷിതമായി എങ്ങനെ പിടിക്കണമെന്ന് ഡോക്ടർ ക്ഷമയോടെ പറഞ്ഞുകൊടുക്കുന്നതും വീഡിയോയിൽ കാണാം. “ലോകത്തിലെ ഏറ്റവും കരുത്തനായ വ്യക്തിയുടെ കൈകൾ പോലും ആ ചെറിയ സന്തോഷത്തെ താങ്ങാൻ വിറയ്ക്കുന്നു” എന്ന കുറിപ്പോടെയാണ് വീഡിയോ പങ്കുവെച്ചിരിക്കുന്നത്.
മാർച്ച് 7-ന് പങ്കുവെച്ച ഈ വീഡിയോ ഇതിനോടകം 21.5 കോടിയിലധികം (215 Million) ആളുകൾ കണ്ടു കഴിഞ്ഞു. ഒരു കോടിയിലധികം ലൈക്കുകളും വീഡിയോയ്ക്ക് ലഭിച്ചു. “ലോകം മുഴുവൻ കൈകളിൽ ഉയർത്തുന്ന ഭാരമാണ് അദ്ദേഹത്തിന്റെ തോളിൽ ഇപ്പോൾ അനുഭവപ്പെടുന്നത്”, “ജിമ്മിൽ വലിയ ഭാരങ്ങൾ ഉയർത്തുന്നവർ പോലും സ്വന്തം കുഞ്ഞിനെ എടുക്കുമ്പോൾ ഭയപ്പെടുന്നു” എന്നിങ്ങനെ വൈകാരികമായ നിരവധി കമന്റുകളാണ് വീഡിയോയ്ക്ക് താഴെ വരുന്നത്. അച്ഛന്റെ നിഷ്കളങ്കമായ സ്നേഹവും ഡോക്ടറുടെ കരുതലും വീഡിയോയെ കൂടുതൽ മനോഹരമാക്കുന്നുവെന്ന് നെറ്റിസൺസ് അഭിപ്രായപ്പെട്ടു.
View this post on Instagram
